ماذا لو نمت وصحيت لقيت......................

**fRuity** · من طرف **fRuity** في الخميس نوفمبر 05, 2009 9:07 am

ماذا لو نمت وصحيت لقيت ضمير الناس فى بلدنا صحى
الريس قدم أستقالته وطلب م الناس انها تسامحه وعليهم أنتخاب رئيس
والوزارة أعلنت عدم كفائتها فى قيادة البلد ورفع المعناة عن الناس
والموظف المرتشى تاب وخلص أوراقك بسرعه
وأمين الشرطه حررلك مخالفه ولما جيت تأبجه زعق وقالك أنت بترشينى
أنت ما عندكش ضمير لولا حرام كنت عملتلك محضر رشوة
وواحد سبيته فى الشارع لما أتخبط فيك رد وقالك الله يسامحك
وبلطجى رأيته بيتوضأ وبيستعد للصلاة
وحشاش بيوزع صدقات على باب الحارة
وبنت ليل تابت وأعتكفت وحرمت على نفسها الخروج
وناظر مدرسه منع نهائى الدروس الخصوصية وأعلن معاقبة أى مدرس
لا يشرح بضمير
وعميد أحدى الكليات رفض وأبى أن أن يستخدم سلطته وأعطاء درجه معيد لآبنه
وحرمان طالب آخر أحق
ونمت وصحيت ما لقيتش ناس بتسب الدين والمله وبقول لبعضها صباح الخير
ولقيت الشوارع مكنوسه ومفيهاش مطبات ومحدش بيرمى الزباله فى الشارع
نمت وصحيت ما لقيتش فيه تعصب ولا شد وجذب بين الناس
يا ترى ها يكون شعورك آييه

**تيتو الخنكاوى**

هاروح انام تانى عشان افوق

**fRuity** · من طرف **fRuity** في الجمعة نوفمبر 06, 2009 1:51 am

اهههههههههههه لا يراجل
هو مش معقول يحصل كدا
بس بجد لو حصل يعنى هتعمل ايه

**تيتو الخنكاوى**

مهو لو محصلش كده يبقى انت اكييد اكيد مش فى مصر

habeb · من طرف habeb في الجمعة نوفمبر 06, 2009 4:45 am

اكيد ضميري انا كمان هيصحي وهسيب النت شويه وهذاكر
وهبطل مقالب مع الناس وضرب في اخواتي

وطبعا هلاقيني زهقت من دا اروح اشوفلي بلد لسه ضميرهم نايم

بجد يارب يحصل مش كدا بس النسبه اللي كدا تكتر وطبعا في نمازج كتير كدا ووالله قابلتها

ميدو المصري

اذا صحيت ولقيت كل ده بيحصلي ممكن يجيلي سكته قلبيه من المفاجئه لانه صعب جدا ده يحصل دلوقتي

**fRuity** · من طرف **fRuity** في الجمعة نوفمبر 06, 2009 9:14 am

والله فعلآ
احنا اصلآ اتعودنا على الاستهتار
وربنا يستر بقى
نورتم كلهو الموضوع والله

**تيتو الخنكاوى**

شفتى احلامك عملت ايه اهو البوكس جاى ياخدنى

**fRuity** · من طرف **fRuity** في السبت نوفمبر 07, 2009 10:56 am

اههههههههههههههههه
هو الملكـ فاروق قال مفيش فايده

**تيتو الخنكاوى**

fRuity كتب:اههههههههههههههههه
هو الملكـ فاروق قال مفيش فايده

مش الملك فاروق ده سعد زغلول

**fRuity** · من طرف **fRuity** في الأحد نوفمبر 08, 2009 9:44 am

ينهار ابيض علىىىىىىىىىىىى التاريخ ياتيتو انت عديت ثانوى ازاى
بقى سعد زغلول الى قال كدا
ينهار ابيضـ دا الى قال كدا الملك فاروك والنبى امشى كدا يا تيتو امشى

**تيتو الخنكاوى**

مين قال كده ده دايما يقولو سعد قال مفيش فايدة اسالى ياماما

**Single For Ever**

عااااااااااااااااااااااادى جدا هصحى من النوم اغسل وشى واقول استغفر الله استغفر الله هههههههههههههه

بس بجد ده لو حقيقى _يارب يبقى حقيقى_ ده انا هعمل عمايل زى ايه مش عارفه

اقولك استنى لما يحصل_ابقى قابلينى_ وانا اقولك

**fRuity** · من طرف **fRuity** في الإثنين نوفمبر 09, 2009 11:50 am

اهههههههههههه يسلملى مروركـ يسنجل يقمر
تيتوووووووو انت مش بتعرف حاجه ف التاريخ امشى بقى من هنا :

**Single For Ever**

لالا انا سالت لقيت ان فعلا سعد زغلول هو صاحب العبارة دى

GOoOd Luck معلش فروتى

ماذا لو نمت وصحيت لقيت......................

ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................

رد: ماذا لو نمت وصحيت لقيت......................