منتدى كلية الاداب جامعة عين شمس في حالة وجود اي شكوي anwer_ihab@yahoo.com
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
في حالة وجود اي شكوي يمكنك مراسلة الادارة عبر البريد الالكتروني
anwer_ihab@yahoo.com

منتدى كلية الاداب جامعة عين شمس في حالة وجود اي شكوي anwer_ihab@yahoo.com

يقوم المنتدى بمناقشة جميع اقتراحات الطلاب فى جميع اقسام الكلية وايضا كل مواضيع الضحك واللعب كمان وتابعونا علي صفحتنا علي الفيس بوك ( اداب عين شمس https://www.facebook.com/groups/198810466953202/)
 
البوابةالرئيسيةس .و .جالتسجيلالمجموعاتدخول

شاطر | 
 

 هتعمل ايه لو ابوها رفع السماعه ؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
body_muzic
مساعد مدير
مساعد مدير
avatar

عدد الرسائل : 2206
العمر : 30
Localisation : الاسكندريه عروسه البحر الابيض المتوسط
تاريخ التسجيل : 22/03/2010

مُساهمةموضوع: هتعمل ايه لو ابوها رفع السماعه ؟؟؟؟؟   الأحد مايو 30, 2010 12:13 pm


طبعا فهمتوا قصدى من العنوان ...

الا صحيح تعمل ايه لو ابوها رفع السماعه !!!

تخيل سعادتك كده مأنتخ علي السرير الساعة اتنين بالليل ومضلم الأوضة

ومسلك سلك التليفون من الصالة , وواخد غطس تحت اللحاف وفي وسط الأشواق الملهلبة...

بتحبني ياتوفيق؟

طبعا ياجمالات دانتي الهوا اللي بتنفسه
والميه اللي بشربها..
.. ناقص تقولها السجارة اللي بتعملى دماغ

يعني مش هتتخلي عني أبدا

عمري ياحبي وحتي تنطفيء النجوم
وحتي يقع القمر
وحتي يفوز الزمالك علي الأهلي
عيب تقولي كده ياجمالات
سمعتي أغنية بحبك بتاعة رامي صبري؟.

اه مالها ياحبيبي....

كل كلمة فيها بتفكرني بيكي يانور عيني
بحبك نفسي أقولهالك: وانا ايدي في ايد....


وفجأه ...


نعم يا.........؟


.وهنا هنقول ستوب ونوقف المشهد ونبدأ نسأل السؤال
هتعمل ايه ساعتها يا حلو ؟طب تيجى نتخيل سيناريوهات مختلفة
للي ممكن يحصل

ممكن مثلا تقفل السكة وطبعا لمدة اتناشر سنه قدام هتلاقي البت
تليفونها مقفول ومبتجيش جامعة.......والسيناريو ده يجرنا لتساؤل تاني


في الحاله دي تعمل واد محترم بقي وتروح تتقدملها
وغرضي شريف واسف ياعمي وجاي من الباب والكلام ده


ولا تبقي واد روش موديل 2010 خارج من الاجنص حالا
وتخلي واحدة صاحبتها تكلمها؟


ولا تطلع ندل وتنفضلها
واهو البنات اكتر من الهم علي القلب وتيجي واحدة مكانها؟


ده سيناريو مكتمل محتمل للي ممكن يحصل


فيه سيناريو تاني


.نعم يا.........؟......ده أبوها


ساعتها انت موش هتقفل السكة


ثواني ياعمي أنا والله بحب جمالات بس مستني وقت أرتبط بيها


وهنا هيختلف رد فعل الأب حسب شخصيته يعني
ممكن يكون راجل جنتل ويقولك


حب ايه ياحيلة الست الحاجة روح ياض العب بعيد


وممكن يكون راجل عقلاني....


هو يابني اللي يحب حد يكلمه الساعة دي
لو اختك ترضي حد يكلمها كده؟
يابني اللي بيحب حد ميخلهوش يعمل حاجه غلط ولو حتي باسم الحب
.وعموما يابني ممكن أعرف انت عايز ايه دلوقت؟


وهنا هتبان نواياك


يااما تاخد منه معاد تقابله وتكلمه وتشرحله ظروفك


يااما تقول ياعمي انا نفسي اكلمها وافضل معاها سنتين تلاتة
لحد مااكون نفسي وطبعا بما أنه راجل محترم فرده هيبقي


.تك....صوت سماعة بتتحط وسكة بتتقفل في وشك
فيه سيناريو تالت


أنك تطلع ندل وترد عليه


ماتشتمش يابا الحاج انت متلم بنتك ياأخويا


انا مضربتهاش علي ايدها


وطبعا رد فعل الراجل علي بق زي ده


يااما هيقع علي الكرسي من الصدمة وتسمع صوت (بابا بابا)


أو هيرد علي كلامك



وممكن يبقي فيه سيناريو رابع


أول ماابوها يدخل...هتلاقي جمالاات بتقولك


ثواني ياتيفا...بتدلعك ياعم مين قدك يابختك


فيه حاجة يابابا مخبطتش ليه قبل ماتدخل.


.معلش ياجمالاات اصلي كنت بدور علي حاجة معلش اني مخبطتش


.طيب يابابا عاوز حاجة؟


لا خلاص هدور في أوضة تانية



وفيه سيناريو كمان


.وده بقي محتاج واد ابن جنية


وهو انك اول ماتلاقي صوت أبوها فجأة ترقق صوتك علي قد ماتقدر
وتعمل نفسك واحدة صحبتها وعشان السيناريو
ده ينجح فانت محتاج أب اهبل عشان يصدقه
أو ممكن حاجة أسهل انك تتكلم بمنتهي الأدب انك أخو واحدة صحبتها
وكنت بتسأل عن أختك لأنها لسه مرجعتش


وفي الحالة دي يااما الراجل هيديك فاصل شتيمة في أختك
وفي نخوتك وأخلاقك (أوعي تصدق نفسك وترد عليه لأنك مفيش أخت ولا حاجة)

أو ممكن يطلع الراجل تربية فكرية ويصدق ويقولك أما توصل يابني ابقوا طمنونا
طبعا أنا مقلتش الموضوع من ناحية البنت بمعني
لو أبوكي رفع السماعة(مش تعصب ضد حكوك المرأه لا سمح الله)
بس لأن السيناريو معروف وده تقريبا اللى بيحصل

.لو أبوها راجل ودمه حامي

فيبقي اللي تقدر تعمله بس انها تكون لها علاقات في المستشفيات خصوصا قسم العظام
عشان يتوصوا بيها و بيك انت كمان


ايه رايك انت وهى وهو وهو فى الكلام ده

اساسى بيحصل وممكن يكون حد فيكو عرف
كام موقف من ده اما صديقه او هو نفسه او اى حد معرفه

قولى بقا يا حدق هتعمل انت ايه لو حصلك الموقف ده ؟؟

وانتى كمان يا قمرايه انتى لو حصلك الموقف ده
حطى نفسك مكان جمالات وقوليلنا رد فعلك

_________________



تحياتى
بــــــــMuZiCـــــــودى


لست مجبر لأفهم آلآخرين من آكون ..!
ف من يمتلك مؤهلآت آلعقل وآلآإحسآس
س أكون آمآمه ك آلكتآب المفتووح ..
وعليه أن يحسن اللإستيعآب .. !



ـــــــــــــــــــــــــــ















الرجوع الى أعلى الصفحة اذهب الى الأسفل
la princess
مشرف
مشرف
avatar

عدد الرسائل : 2742
العمر : 25
Localisation : في بيتنا
تاريخ التسجيل : 25/10/2009

مُساهمةموضوع: رد: هتعمل ايه لو ابوها رفع السماعه ؟؟؟؟؟   الأحد مايو 30, 2010 9:36 pm

 الحمد لله لايمكن احط نفسي في الموقف ده ابدا لانه زي ماقلت ان اللي بيحب حد ميخلهوش يعمل حاجه غلط ولو حتي باسم الحب
تقبل مروري

_________________



لست مغرمة بأن أصبح فتاة تركع عند قدميها قلوب الرجال ...!!
بل أكتفي ان يشعرني رجل واحد اني اعظم فتاة في نظره وسأجعله رجل فوق كل الرجال ...
الرجوع الى أعلى الصفحة اذهب الى الأسفل
phantom
عضو نشيط
عضو نشيط
avatar

عدد الرسائل : 15
العمر : 32
تاريخ التسجيل : 31/05/2010

مُساهمةموضوع: رد: هتعمل ايه لو ابوها رفع السماعه ؟؟؟؟؟   الإثنين مايو 31, 2010 10:37 am

معلش هو العصر اللي احنا فيه بيفرض علينا مواقف غريبه شويه
لان مش معقول يكون اتنين بيحبوا بعض ومش هيتكلموا في الموبايل صعب ده يحصل
مفيش ولد وبنت بيحبوا بعض الا ولازم يكونوا بيتكلموا في التليفون
هو فعلا الموضوع جميل لانه بيستحضر صوره وااارد جدا انها تحصل
بس اي ان كان ايه الي هيحصل كده كده البنات والولااد هتفضل تتكلم مع بعض لان دي طبيعة الانسان كل جنس بيبحث عن الاخر البنت بتبحث عن ولد والولد بيبحث عن بنت وده مش معناه انهم مش محترمين لا ابدا بس هي دي طبيعتنا البشريه
الرجوع الى أعلى الصفحة اذهب الى الأسفل
nada
مشرف
مشرف
avatar

عدد الرسائل : 814
العمر : 25
Localisation : القاهره
تاريخ التسجيل : 29/10/2009

مُساهمةموضوع: رد: هتعمل ايه لو ابوها رفع السماعه ؟؟؟؟؟   الثلاثاء يونيو 01, 2010 2:03 pm

هههههههههههههههههههههه

هو موقف صعب جدا
نادر الواحد انه يخرج منه بسلام
وانا محبش احط نفسى فى المواقف دى
ابعد عن الشر وغنيله


تسلم بودى

_________________
الرجوع الى أعلى الصفحة اذهب الى الأسفل
bido_barakat
عضو نشيط
عضو نشيط
avatar

عدد الرسائل : 83
العمر : 30
تاريخ التسجيل : 02/04/2010

مُساهمةموضوع: رد: هتعمل ايه لو ابوها رفع السماعه ؟؟؟؟؟   الثلاثاء يونيو 01, 2010 3:12 pm

بس فعلا الي بيحب بنت عمره ما يعرضها لمواقف الصعبه دي ويسعي جاهدا انه ينقدملها
ويكون راجل قد المسؤليه

نقبل مروري
الرجوع الى أعلى الصفحة اذهب الى الأسفل
Single For Ever
مساعد مدير
مساعد مدير
avatar

عدد الرسائل : 2629
العمر : 26
تاريخ التسجيل : 15/10/2009

مُساهمةموضوع: رد: هتعمل ايه لو ابوها رفع السماعه ؟؟؟؟؟   الثلاثاء يونيو 01, 2010 6:13 pm

طيب ما تقولنا انت بودى رأيك خلينا نتعلم منك


ههههههههههههه دبستك يا باشااا

_________________



الرجوع الى أعلى الصفحة اذهب الى الأسفل
 
هتعمل ايه لو ابوها رفع السماعه ؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية الاداب جامعة عين شمس في حالة وجود اي شكوي anwer_ihab@yahoo.com :: المنتديات العامة :: المنتدى العام-
انتقل الى: