مكالمه بين خطيب وخطيبته فسخت الخطوبه

رن جرس الموبايل للمرة الخامسة وده بعد ما رن أكتر من مرة قبل كده



...ردت عليه خطيبته : السلام عليكم



الخطيب: أعتقد إني إنسان مش حاجه تانية عشان مترديش علي تليفوناتي.



الخطيبة: رد السلام الاول وبعدين نتفاهم.



الخطيب: نتفاهم إزاي .. هيكون إيه عذرك يعني ، هتقولي كنتي نايمة ولا قاعده مع أمي وأخواتي.



الخطيبة: الله يسامحك ، متتهمنيش قبل ما تسمع مني.



الخطيب: لا هي واضحه أوي من غير ما توضحي إنتي .. مبترديش عليا ليه؟



أكيد كنتي مشغولة مع غيري مكنتيش فضيالي يا هانم



الخطيبة: بصراحه فعلا كنت مشغولة مع غيرك.



الخطيب: يا فرحتي بيكي ، ومين هو ده اللي واخد عقلك وتفكيرك لدرجة إنه مخلكيش تردي علي تليفوناتي؟





الخطيبة: بصراحه لما بكون معاه بنسى الدنيا وما فيها فلازم تعذرني.



الخطيب: وبكل بجاحه بتقوليلي الكلام ده وإحنا مخطوبين .. أومال لو كنا متجوزين كنتي هتعملي ايه؟



الخطيبة: الله يسامحك مالوش داعي الغلط مادام انا ما غلطتش فيك.



الخطيب: كل ده وما غلطتيش..تطنشي تليفوناتي وماترديش علي 4 اتصالات طول اليوم ولما رديتي دلوقتي تقوليي لما بكون معاه بنسى الدنيا وما فيها كل ده وما غلطتيش؟



الخطيبة: ده اللي حصل كنت مشغولة معاه وما قدرتش ارد على تيليفوناتك.



الخطيب: الظاهر إننا مش هنقدر نكمل العلاقة مع بعض فخليكي مع اللي كنتي مشغولة معاه و اللي فضلتيه عليا وإبقي خليه ينفعك.



الخطيبة: جزاك الله خير دي أحسن حاجه عملتها.



الخطيب باستغراب: ليه انتي فرحانة لفسخ الخطوبة ومين ده اللي ضحيتي بيا علشانه بقه؟



الخطيبة: أنا فرحانة بجد لان اتصالاتك الأربعه النهارده كشفتلي شيء خطير يبعدني عنك



و يخليني أصمم على فسخ الخطوبة.



الخطيب باستغراب: ياسلام .. لا فهميني أكتر بقه لو سمحتي

الخطيبة: انت اتصلت بيا اليوم



الساعة 11.45 الظهر



و الساعه 3.45 العصر



و الساعة6:30 المغرب



والساعه 8 بالليل



وده اتصالك الخامس



الخطيب: حاجه عجيبه إنتي يعني فاكرة إتصلت بيكي أمتي كمان بالظبط



الخطيبة: طبعاً فاكراها لأنها الأوقات اللي بكون فيها مشغولة مع اللي بحبه و اللي بنسى كل شيء علشان خاطره و البذات لما بكون معاه في الأوقات دي .. وأنا دلوقتي فرحانة لأني اكتشفت انك مشغول عن اكتر واحد يستحق إنشغالك بيه ، تحب تعرف أنا كنت مع مين؟



الخطيب: مييييين ؟



الخطيبة: كنت مع الله ، لأنك كنت بتتصل بيا في اوقات الصلاة ، الوقت اللي بكون فيه منقطعة عن الدنيا وما فيها ،و أنا مقدرش أرتبط بانسان لا تربطه صلة بربنا سبحانه وتعالي.



وقفلت الخطيبة التليفون في وش خطيبها بعد ما قررت إنها تبعد عنه





---------------- قصة تستحق التفكير ---------------------

فعلا هى عندها حق

اذا كان هو مش بيفتكر ربنا هيفتكر مين؟؟؟؟
وكمان هو انسان مش يستحقها لانه بيشك فيها وهما لسة فى بداية حياتهم .

بجد قصة جميلة

تسلم الايادى يا هبة

شكرا لمروركم

توبيك رائع تسلم ايدك

كويس انها عرفته على خقيقتــــــــــــــه
وحتى لو ردها مستفز عليه لانه شك فيهاوميستحقش منها غير كده

بصراحة عندها حق لان اكتر فريضة ربنا امرنا بيها مش متمسك بيها وابسط فريضة مش بياديها لازم تعمل كدا وتسيبه

بصراحة عندها حق لان ابسط واكتر فريضة امرنا بيها ربنا مش بياديها
وبعدين الرسول قال لو جاءكم من ترضون دينه وخلقه زوجوه وده مش بيصلي يبقي ترضي بيه ازاي يعني
ده رايي الشخصي