منتدى كلية الاداب جامعة عين شمس في حالة وجود اي شكوي anwer_ihab@yahoo.com
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
في حالة وجود اي شكوي يمكنك مراسلة الادارة عبر البريد الالكتروني
anwer_ihab@yahoo.com

منتدى كلية الاداب جامعة عين شمس في حالة وجود اي شكوي anwer_ihab@yahoo.com

يقوم المنتدى بمناقشة جميع اقتراحات الطلاب فى جميع اقسام الكلية وايضا كل مواضيع الضحك واللعب كمان وتابعونا علي صفحتنا علي الفيس بوك ( اداب عين شمس https://www.facebook.com/groups/198810466953202/)
 
البوابةالرئيسيةس .و .جالتسجيلالمجموعاتدخول

شاطر | 
 

 يا ترى الريس اتنحى ولا لسه ......... !!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
™ Mando
عضو ممتاز
عضو ممتاز
avatar

عدد الرسائل : 510
العمر : 26
تاريخ التسجيل : 24/03/2010

مُساهمةموضوع: يا ترى الريس اتنحى ولا لسه ......... !!!!!!   الإثنين فبراير 07, 2011 10:12 pm

ها ... الريس اتنحى ولا لأ ؟
حاجة غريبة اوى اللى بيحصل ده
...14 يوم يعدوا كلهم زى بعض مافيش جديد
تصحى الصبح تفتح عينيك تسأل نفس السؤال
...ها الريس اتنحى ولا لأ ؟

والأجابة : لا تقوم على طول
السؤال التانى : طيب الناس اللى فى التحرير روحوا


والأجابة : برضوا لا


تهز رأسك هزتين وتعض شفايفك وتأخذ طريقك للحمام علشان تغسل وشك



... ولسانك يستغفر ويدعى ان ربنا يعدى اليومين دول

على خير

تشغل التليفزيون شوية على قناة العربية وبعدين ال بى بى سى
...تلاقى ناس بتسب فى النظام والبلطجية وصورة مركزة على ميدان التحرير من بعيد
وباين فيها ناس كتير وشريط اخبار ان المئات يتوافدون على الميدان
علشان يوم مليونى جديد

اعصابك تبوظ

... وتقول دى قنوات عميله عايزة تشعللها
، لما اجيب التليفزيون المصرى علشان يطمنك شوية ( زى حنان الأم كدة)
بس

قبل ما تحول تقول ...اشوف الجزيرة اشتغلت ولا لسه

...وانت متأكد ان الجزيرة مش هاتشوف النايل سات تانى
وقاعده كل شويه تغير التردد بتاعها ويجيلك الارسال سرقه ويقع تانى

وتجيب المصرية

...صورة لناس مؤيدين للرئيس مبارك امام مبنى التليفزيون او فى ميدان مصطفى محمود


وطبعا الصورة من قريب علشان العدد قليل ومش عايزين يبينوا كدة ...
فيخشوا بالكادر من قريب

ولو بتتفرج ع الحياه مثلا
هتلاقيهم كل شويه يتكلموا عن اتفاقيه وكيليكس
وان الجزيره قالت ان بمجرد نزول المواطنين الشارع
حتى لو عشان يجيبوا رغيفين عيش من ميدان التحرير
ساعتها هاتعمل بلبله


ومننساش طبعا حبة اغانى وطنيه

"مشربتش من نيلها وبلدى يا بلدى وبلدنا بتاعة فيلم العالمى
معمول عليها كليب لمبارك وانجازاته

عينك تدمع شويه
وحبه جسمك يقشعر
وف الاخر تخلص الاغنيه

وتلاقى نفس المذيع ونفس المذيعة ولسه بيناشدوا كل اللى عايز يطلع من ميدان التحرير

...كل اللى عايز يطلع يقف ويحط ايده اليمين على صدرة ويغمض عينه ويقول الحقنى الحقنى يابن الجنى ...
واحنا هانبعتله العفريت ينقذة من الغابة واكلى لحوم البشر اللى فى الميدان

تهز دماغك تانى وتقول كلام قبيح ...

وتقفل التليفزيون وتفتح النت ...ماهو رجع الحمد لله

وتفتح الفيسبوك (سبب المصايب، اعوذ بالله)

اللى لو عم مارك زوكربيرج كان يعرف انه هايكون السبب في كل المصايب دى كان ولع

فى الكود بتاعه

وتبدأ تقرأ الاستاتيو بتاعة صحابك :
1- غدا جمعة الخلاص
2........... بكرة جمعة الأستقرار (وده طبعا واحد تعب من كتر ما بيتظاهر )
3,,,,, سيبوا الريس بقى ماهوا ماشى ماشى ...اوف


4,,,,,,,,,, هاطلع عين ام اللى مش نازل التحرير


5,,,,,, الحب يأتى مره واحد فى العمر (وده طبعا واحد ماعملش ابديت لل ستاتس من ساعة ما قفلوا النت )
6 ,,,,,هاطلع عين ام اللى هاينزل التحرير


7 .....ياجدعان بيقولوا ان فى شجر بيتكلم وديناصورات حوله بتأكل المتظاهريين فى التحرير


8 ......ما فيش حاجة اسمها حب فى الدنيا دى (ودى طبعا نفس حالة رقم 5 وغالبا بترد عليه )
9 .....هو الفيسبوك اشتغل عندكوا يا جدعان ( وده عيل ابن تيييييت ...غبى بيتعامل مع النت كأنه مية مقطوعة )

10

.... يا احمد رد عليا ...بتحبنى ولا لأ ...قولى بسرعة قبل ما يقطعوا النت تانى


- وفجأة تلاقى استاتيوس او كومنت يستفذك ...ويبدء الهجوم
:

وتبدأ ترد وتنقد فى واحد نازل التحرير او واحد مش عاوز ينزل (حسب ميولك النهاردة)

وتلم الناس علية علشان يشاركوا فى الحرب وتعملوا لايك لبعض لغاية لما يزهق ويسكت
او يعمل نفسه اوف لاين لغاية لما يجيب رجالة وييجى

وشوية ويجيلك صورة من شبكة رصد او كلنا خالد سعيد

...والصورة واحدة من تلاتة

ميدان التحرير ....شهيد للمظاهرات ...

صورة لحسنى مبارك

ومع الصورة 956 كومنت و 250 لايك


وتفتح الصوره وتلاقى خناقة وناس بتشتم بعض ..فتشتم بدورك وتطلع اوتعمل لايك (برضه حسب ميولك النهاردة)
وشوية وتزهق

وتيجى تقفل النت ..تلاقى صاحبك اللى كان عامل نفسه اوف لاين جاب رجالة ورجع تانى وبيقبحلك

وتشتموا بعض ..وبعدين تعتذروا
...وكل واحد يقول للتانى ..انت فهمتنى غلط ماكانش قصدى

وتقفل النت

...وتسأل تانى ..لسه ماتنحاش ...طب الناس اللى فى التحرير ما قلتشى .
..

وأحمد شفيق يظهرلك فى كل القنوات ويحلف

...عليا الحرام من دينى وعزة جلالة الله الريس اتغير وعايز يصلح البلد اقبل مايمشى


ومذيع او صحفى غتيت يقولوا ...وايه اللى يضمنلى
...ويقترح ان حد ينزلهم التحرير

وشفيق يقول يا ريت


تقفل التليفزيون وتقول اوف ...لما انزل شوية ، وتبص ف الساعة وقلبك يقع فى رجليك
...الساعة بقت كذا

الحظر جه ...( الحظر جه

على حسب وقت الحظر بقى كام النهارده )

و,وتعمل نفسك احمد السقا فى اى فيلم.. ...وتلبس وش الاسد
...وتطلع السكينة من تحت السرير وتنزل على الشارع

تلعب دورك فى مهزلة اللجان الشعبية ...

لحماية مصر من اللصوص والعصابات المتوحشة


ويجيلك واحد كل نص ساعة ويقولكوا ... "يا جدعان ، فى عربية هاتعدى دلوقتى فيها 3 معاهم سلاح ...خلى بالكوا "
ثم يختفى ابن الحرام ولا يظهر الحرامية ولا حتى العربيه

وعينك تغفل ولما تيجى تأخد تعسيله على السريع

...يطلع ابن الحرام تانى ..." يا جدعان ، جايين دلوقتى فى عربية اسعاف وعاملين نفسهم اطباء >>> ,,
اللى يقولك جايين فى عربية فراخ وعاملين نفسهم كتاكيت
:

ولا تغيير ... لا العربية بتيجى ولا صوت لكتكوت واحد ولا صوت لحد تعبان ولا مريض

والساعة تيجى تمانية الصبح

...تطلع تنام
علشان

تصحى الصبح تفتح عينيك تسأل نفس السؤال

... يا ترى الريس اتنحى ولا لأ ؟

والأجابة : لا


و على طول السؤال التانى : طيب الناس اللى فى التحرير روحوا؟
والأجابة : برضوا لا

تهز رأسك هزتين وتعض شفايفك وتأخذ طريقك للحمام علشان تغسل وشك...

وفى انتظار النهاية ....



...


والحياه دواااااااااااااااااال

_________________
وقت الامتحان مالوش لجام
معلومات تطير زي الحمام
اى كومنت بدون كلام
تقعد تفكر في امر هام
يوم نتيجتك يترفع عليك حزام
ياترى الماده دي من كام !!!



الرجوع الى أعلى الصفحة اذهب الى الأسفل
la princess
مشرف
مشرف
avatar

عدد الرسائل : 2742
العمر : 25
Localisation : في بيتنا
تاريخ التسجيل : 25/10/2009

مُساهمةموضوع: رد: يا ترى الريس اتنحى ولا لسه ......... !!!!!!   الإثنين فبراير 07, 2011 11:43 pm

روتين ممل مووووووووووت والله

اشاعات كل يوم ومش عارفين نصدق مين ونكدب مين

وطلبات مابتخلصش كانهم لما صدقوا واحزاب معارضة بتتكلم واخوان مسلمين
كنتوا فين من قبل كدا كنتوا فين من اول يوم ولا افتكرتوا دلوقتي انها بلدكم

_________________



لست مغرمة بأن أصبح فتاة تركع عند قدميها قلوب الرجال ...!!
بل أكتفي ان يشعرني رجل واحد اني اعظم فتاة في نظره وسأجعله رجل فوق كل الرجال ...
الرجوع الى أعلى الصفحة اذهب الى الأسفل
body_muzic
مساعد مدير
مساعد مدير
avatar

عدد الرسائل : 2206
العمر : 30
Localisation : الاسكندريه عروسه البحر الابيض المتوسط
تاريخ التسجيل : 22/03/2010

مُساهمةموضوع: رد: يا ترى الريس اتنحى ولا لسه ......... !!!!!!   الثلاثاء فبراير 08, 2011 12:04 pm

خلاص يا باشا هى دى بقيت حياه المصرين المستقبليه
حتى لما الرئيس الجديد يجى هيفضلو قعدين فى التحرير
الريس الجديد عمل حاجه
طب ادينا معتصمين لحد ما يعمل

ده النظام الجديد اللى هيمشى بعد كده وبكده ميدان التحرير بقى ملجاء اخر للناس

_________________



تحياتى
بــــــــMuZiCـــــــودى


لست مجبر لأفهم آلآخرين من آكون ..!
ف من يمتلك مؤهلآت آلعقل وآلآإحسآس
س أكون آمآمه ك آلكتآب المفتووح ..
وعليه أن يحسن اللإستيعآب .. !



ـــــــــــــــــــــــــــ















الرجوع الى أعلى الصفحة اذهب الى الأسفل
la princess
مشرف
مشرف
avatar

عدد الرسائل : 2742
العمر : 25
Localisation : في بيتنا
تاريخ التسجيل : 25/10/2009

مُساهمةموضوع: رد: يا ترى الريس اتنحى ولا لسه ......... !!!!!!   الثلاثاء فبراير 08, 2011 2:16 pm

وجودهم في ميدان التحرير مشابه لفيلم رامي الاعتصامي

اعتصام جامد اخر خمس حاجات ناس بتبيع كشري وفيشار وبيبسي وناس نايمة وواخدين خيم معاهم

ومفيش عيشة احلي من كدا يتعرفوا ع ناس ويقعدوا هناك يبقي يمشوا ليه بقي

ومن الواضح انهم فاضيين ومش وراهم حاجة وبيتسلوا مع بعض

_________________



لست مغرمة بأن أصبح فتاة تركع عند قدميها قلوب الرجال ...!!
بل أكتفي ان يشعرني رجل واحد اني اعظم فتاة في نظره وسأجعله رجل فوق كل الرجال ...
الرجوع الى أعلى الصفحة اذهب الى الأسفل
Single For Ever
مساعد مدير
مساعد مدير
avatar

عدد الرسائل : 2629
العمر : 26
تاريخ التسجيل : 15/10/2009

مُساهمةموضوع: رد: يا ترى الريس اتنحى ولا لسه ......... !!!!!!   الثلاثاء فبراير 08, 2011 5:54 pm

شباب


انا هخلصكوا من الناس اللى هناك فى التحرير
وهروح افجر نفسى فى وسطوا علشان اخلص من الليله دى

_________________



الرجوع الى أعلى الصفحة اذهب الى الأسفل
ذات النطاقين
مشرف
مشرف
avatar

عدد الرسائل : 344
تاريخ التسجيل : 31/12/2009

مُساهمةموضوع: رد: يا ترى الريس اتنحى ولا لسه ......... !!!!!!   الخميس فبراير 10, 2011 5:06 am

لا لسه Smile
ربنا يستر
الرجوع الى أعلى الصفحة اذهب الى الأسفل
 
يا ترى الريس اتنحى ولا لسه ......... !!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية الاداب جامعة عين شمس في حالة وجود اي شكوي anwer_ihab@yahoo.com :: المنتديات العامة :: المنتدى العام-
انتقل الى: