جمال ولا ابوه ولا حد تانى

ايمن نور

طب ليه ايمن نور مش شايفة انه له سقطات

اولا انا مش مع ايمن نور خالص لان ليه سقطات وكمان معارض من اجل المعارضة

وثانيا انا مع ريسنا الحالى لحد مايتوفاه الله لان محدش دلوقتى يقدر يعرف البلد وامرها اده اما بقى اختل مع سينجل ف حكاية الابن لان


ادى هيبقى اسمها تمليك او توريث وانا ضد كدة تماما لو هو عاوز يمسك بعد والده ينزل الانتخابات وتكون انتخابات صحيحه ويشوف

شعبيته ولو يستحقها هيمسك بس انا بقول بعد مبارك يكون زويل لانه عالم مصرى وشديد الذكاء ويقدر يفهم امور البلد بسرعه ومحتاجة

ايه ومشاكلها ايه وحلها ايه بطريقه علميه

طب ليه جمال ماينفعش ؟؟؟؟؟؟؟؟؟؟؟انا بقول انه ماينفعش لانه ببساطة لو كان ينفع كان فاد ابوه

السلام عليكم
انا بأختار جمال مبارك بس بعد عمر طويل لابوه
وياريت محدش يتعصب ويقولى هى وريث او اى شى من هذا القبيل
وجمال له خبرة سياسية تختلف عن اى شخص خارج المؤسسة الرئاسية امثال ايمن نور او محمد البرادعى او دكتور زويل
تقبلوا مرورى

انا عاوز السادات

اولا انا مش هختار حد من العيله ديه اصلا لانهم مش هيشبعوا ابدا ولا عمرهم هيشبعوا وبعدين خلونا نشحت من دول تانيه هما اصلا مكانوش لقين القمه يكلوها ولا حتى كان لهم اساس وكمان هما كفايه عليهم كده 29 سنه من الارف والهم ومش هنفضل نقول خلى دول عشان منعرفش الى جاى ايه ما احنا لازم نعرف ونشوف الى جاى ولو حتى مش كويس هيعمل ايه اكتر من كده يعنى ويمكن توقعتنا تكون غلط ويكون كويس ويحسن من احوال البلد واصل احنا مش هنغير الريس ونجيب حد تانى هيغير فى يوم وليله
انا رفضه كل شئ سلبى والردود السلبيه ليكوا لازم تكونوا اجابين عشان تعرف ايه الى انت فيه وكمان لازم منخفش واحنا بنتكلم وتقول ان اخاف ان اتكلم لحسن يحصل حاجه وانا برجح ان يكون البردعى هو الريس ياجمعه سبوكوا من انه كان عايش بره وفكروا شويه انه شاف كتير بره واشيائ احسن وافضل فى البلاد الاخرى وفى الاخر انه اصلا دارس قانون وانه ليه مكانه فى البلاد فكروا شويه احسبوها صح
طولت عليكوا

لا يا جماعة انا هختار محمد حسنى مبارك او جمال مبارك علشان من ساعت ما حسنى مسك الرئاسة بصراحة مدخلناش فى اى حروب وعايشين فى سلام يعنى لو مثلا اختارنا البرادعى هيعمل اية غير الحروب وكمان دة عايش طول عمرة فى اميريكا هيحس بالغلابة ازاى بقى وبعدين حسنى مبارك وابنة خلاص شابعة من الحكم مش هينهبوا فى البلاد وفى النهاية دى اراء

وهو الموجود فى الحكم دلوقتى عمل ايه يعنى للغلابه يا أيه

زي ما قالت اية احنا علي الاقل عايشين في سلام واهو اللي نعرفه احسن من اللي ما نعرفهوش يمكن اللي ييجي بعده ينهب اكتر ويبهدلنا اكتر ادينا بنعاني بس عايشين

بعد اذن الناس هنا فى ناس كتير اختارت اولا مفيش ثقافه سياسيه وبرده انا كما مش عندى ثقافه سياسيه بس عشان ميكونش فى تشدد فى الموضوع واحترامى طبعا والتقدير للناس اللى قالو رايها


بس انا رائى الريس مش هيقدر يدير بلدنا تانى لان صحتو مش تسمح بكده وربنا يباركلو فى صحته كفايه انو كان مخلى البلد كلها عايشه فى سلام دون حرب اه فى مشاكل فى لبلد بس معلش احنا احسن من بلاد كتييييييير
وانا برجح جمال للرئاسه الراجل ده عارف دماغ المصريين عارف مشاكلهم نرجع لورا شويه ايام ماتش مصر والجزائر فى السودان وانا واحد من الناس كنت هناك وشوفت جمال وعلاء وهما مع المصريين وبرده فى المكالمات التليفونيه عى التليفزيون بجد يا جماعه انا متفاقل جدا ب جمال لما يمسك الحكم


تقبل مرورى
بودى

تحت شعار الدمقراطيه
تسمحولي اقول رأيه بس بزاويه تانيه انتوا موش فاهمنها او تقريبا موصلتولهاش ياجماعه سواء الريس الحالي او ابنه او البردعي
او زويل او العلم الفاضيه دي كلها هما بس بيبقوا مجرد صوره لطيفه للبلد وموش هما اللي بيمشوها دي في ايادي خفيه هي اللي بتقوم بكل حاجه ومفيش حاجه اسمها فلان شبع لا الايادي دي مبتشبعش والريس نفسه بيبقا مظلوم لانه اصلا مبيخدش حاجه وبعدين مين في العالم كله هيقدر يصلح مصر تاني خلاااااص مصر بقيت في النازل ومحدش يعرف يطلعها لانه موش هيقدر دي الطبقه المتوسطه اختفت وبقوا طبقتين بس فقيييييييييييييييره وغنيييييييييييييه خلاص الامر موش بأدينا دلوقتي في مجلس الشعب اللي هو مفهوش حد من الشعب اصلا ومجلس الشوري اللي مفهوش مشاوره اصلا موش احنا اللي نقول مين اللي يقعد ومين اللي يمشي احنا كل اللي نملكه اننا نقول دا احنا شحتنا من امريكا دا احنا وصلتنا المعونه ولا لااااااااا؟ وماشاء الله علينا مبنعرفش نصدر حاجه ابد معندناش غير استيراد بصرف النظر عن القطن لانه بيبقا زياده اصلا وطبعا نهار ما انجازنا وقولنا بنصدر اتخيبنا وصدرنا الغاز الطبيعي لأسرائيل شوفتوا الهنا اللي احنا فيه وهسألكوا دلوقتي حد راضي عن بلدنا دي والنزظام الاقتصادي والنظام التعليمي والصحي والاجتماعي؟؟؟؟؟ لا طبعا وكل ده الريس اي ان كان ملوش دخل فيه دي كلها ايادي خفيه وبنمشي في كل شئ علي الموضه حتي الانتخابات عشان جالنا امر اننا نعمل انتخابات رأساه بنفذ ع طول عشان طبعا يجيبولنا شيكولاته وحاجات حلوه لاننا بنسمع الكلام وقال ايه مين الريس ؟؟؟؟؟ بلاخيبه خلي كل واحد ريس علي نفسه الأول سيبك انت صدق اللي قال مصر ام الدنيا _اكيد في منكم اللي هيعارض وفي طبعا اللي هيوافق بس دي بتبقا خلفيات ع مر سنوات موش النهارده ولا امبارح_ %وبجد سوري علي الاطاله&