ترتيبات القدر

عمر حد فيكم حس ان فيه حاجه هتحصله "حاجه وحشه لا قدر الله"
وده كان قبل متحصل بدقايق
وقعد يحاول يمنع الحاجه دي تحصل بكل طاقته
بس
القدر مرتب كل شيء
ربنا سبحانه وتعالي كاتبلك قدرك اللي انت مش ممكن تقدر تهرب منه
ومدام عارف ده
يبقي لازم ترضي باللي ربنا كاتبهولك
بس
متحسش ولو للحظه ان السبب في اللي حصلك ده اقرب الناس ليك
..........

صدقوني صعبه قوي

اللي متعود علي المشاكل والمصايب مش اي حاجه تهزه بجد

ممكن تحصل حاجه
تضايقه كام يوم وبعدين
يروق

بس لو حس ان اللي كان السبب في اللي حصله ده
وفي الاحساس اللي حاسه
اكتر ناس قريبين من قلبه
وقريبين ليه
بيتهز
وبيتجرح جرح عمرالجرح ده
مهيخف
ولا حتي الم الجرح ده ممكن يروح
هيفضل يحس بيه طول عمره
يمكن هو بيعتبرهم كده

هما كمان كانو بيعتبروه كده؟

صعب ان الانسان يحس ان قيمته قليله عند اقرب اصدقائه
اللي كان بيعتبرهم
عيلته
بجد
عاش طول عمره حاسس بالوحده
بس
لما اتعرف علي اصدقائه دول
نسي الاحساس ده
نسي طعم الوحده
فلما يرجع يشرب من نفس الكاس
ويدوق طعم الوحده
وبسبب
اقرب ناس ليه
بيبقي الاحساس ده مر وصعب قوي
لانه اتعود علي
طعم الصداقه
والحب والموده
فلما
تيجي
الناس اللي حسسته باحسن احاسيس كان ممكن يحس بيها في الدنيا
تبقي هي السبب في انه يرجع يدوق طعم
العذاب ومر الوحده
والالم والجرح
بيبقي
لو حد فيكم يقدر يوصف حالته
يا ريت
يوصفهالي
يمكن علشان انا اللي حاسس بده
مش عارف اوصف
ردو عليا
لو حد يعرف يوصف
الشخص ده
حاسس بايه
يقولي
ولا ميقولش
مبقاش فيه حد يهمه يعرف
واذا كان عليا انا فمسيري اعرف

انا مبكتبش الكلام الطويل العريض ده علشان اصعب علي حد
او حد يحس
بيا
لان مفيش حد هيحس بيا
وانا مش محتاج
من حد اني اصعب عليه

انا كتبت كل ده
لاني
يا اصدقائي
يا اعضاء المنتدي الغالي
انا ملقيتش حد ممكن يسمعني زي مانتوا هتسمعوني

وانا كنت محتاج اتكلم
وحد
يسمعني
حتي لو الحد
ده
هيسفه من كلامي
ويقول عليه
تافه
وملوش معني
بس
كنت محتاج
اقول الكلام ده
والاقي حد يسمعني


ليه اللى يحب بزياده ويتمادى فى حنانه يشوف حبيبه يبيعه ويسيبه وكالعاده يقوله ظروف
خلاص كل اللى فات ضايع خلاص بايع ومش مكسوف
اتارى الحب والطيبه بام عيبه فى زمنا خلاص وصوره العاشق الولهان ضعيف غلبان قصاد الناس
وجه اليوم اللى فيه نندم على الحنيه والاخلاص
لو كان لك فيا خير تعالى متهدش كل حاجه لا لا متقفلهاش لا استحاله ريحنى وقول
ده جزاتى اكمنى كنت طيب هتسيب الناس خلاص تعيب

دى الضربه ان جات من القريب تقتل على طول[/color][/size][/b]

يه يابنى التشااؤم دا

طـــــب بزمتك يمحمد انا اعمـــــل آيـه
طبعا انت مش محتاج احكـيلك حكايتى
بس انا اتعلمت منها ايه
ان القدر فوووق كل شىء دا بعد ربنا طبعا
هنعمل ايه مفيش ف ايدنا حاجه نعملها
انا على نفسى الحب دا بقىىىى شـىء مستحيل عندى

مفيش اجمل من احلى صحاب يتلمه حوليك ويحبوك دى عندى احسن من اى حاجه ف الدنيا

عندك حق مشاكس صعب جداً الضربه او الصدمة تيجى من اقرب الناس ليك

واللى متعود ع المشاكل والمصايب مش بيتأثر
ده احتمالين يا اما اتعود ع الجرح فبقى مش فارق معاه لا مبالاه يعنى
اما بيتغلب عليها من خلال تجاربه اللى فاتت
بقى عنده وقايه يعنى

بس لو عايز رأى فى الوحدة فالوحدة وانا شيىء واحد
بجد برتااح جداص لما ببقى لوحدى
اه طبعاً بفرح لما بكون وسط اصحابى بهزارنا وضحكنا بس بشتااق جداً
لما ببقى لوحدى
يعنى الوحدة مش مرة ولا صعبه زى ما بيتقال


وانت ع فكرة يا مشاكس لا تافه ولا بتقول كلام ع الفاضى واكيد الاصحاب بيحسوا ببعض
وبيفيدوا بعض

اتمنالك التوفيق وراحة البال

تخيلي كده يا سنجل
ان انت تبقي عايش وسط ناس كتير
وليك اصحاب كتير
ورغم كل ده حاسس بالوحده
ساعتها تبقي الوحده مره ولا مش مره
الوحده اللي فيها الانسان بيلقي نفسه
بيفتكر كل حاجه
وحشه حصلتلو
من سنين
ويفتكر
كل لحظه حلوه صعب تتعوض
صدقيني
بتبقي مره قوي

بتحصل معايا لما بكون وسط اصحابى وفجأه بيلقونى بدمع
ليه علشان افتكرت حد كان موجود بينا وبيضحك معانا وبيشاركنا كل مكان بنروحه وفجأة ملقتوش
واحياناً بخلق لنفسى جو بعيد عنهم خالص

بس بتبقى صعبه جدا
احساس انك معاهم بجسمك بس بفكرك ومشاعرك غايب عنهم خالص

هو ده بالظبط اللي انا بتكلم عليه

احساس قاتل