نفسى

موضوع: نفسى السبت يناير 23, 2010 8:57 pm

نفسى اغمض عيونى وانام ..انام نوم طويل ..اصحى منه الاقى الدنيا مش هية الاقى براح الكون بضمنا ويلفنا من غير خوف ..نفسى الاقى الناس مطمنة ومش خايفة من اللى موجودين هنا
نفسى ملقاش فيها حقد ولاغيرة ولاغل ولاوسواس
نفسى اشوف الكون ابيض معكروش دمعة حزين ولاضعيف ولا مكسور
نفسى اشوف قلوب الناس شفافة ورايقة
نفسى ابص فى عيونهم اشوف قلوبهم مش مجروحة صافية.....
متلونة بلون السما الصافية والسحاب.......وتغطس ارواحنا مش بس اجسامنا فى البحور
وتطلع منها مغسولة بلون اللؤلؤ المسكون بالصفا والحنان والامان
نفسى ارتاح......بفكر نفسى SFun_duh2

انى ممكن اغوص جوة القلوب وامسحها من كل شىء
ءالا الحب والامان والحنان والشوق لبكرة اللى مستنى يشوفنا معاه بتشرق زى شمسه
اللى مليانة حرارة ودفء وامان فياضة بكل لون يلون ايامنا وعمرنا اللى احنا بءايدينا بنضيعه
وندمره ونرجع نلوم بعضنا تعالوا معايا ايدى فى ايديكوا نطهر نفسنا
ونمسح دمعنا
ونظف جرحنا
ونطير ويا الطيور ونحلق فى السحور وندوب فى براح الكون ............نفسى