الى الدكتور معوض بدوى دكتور فى قسم الجغرفيا

في البدايه أحب أوجه كلمه للإخوه المشرفين ياريت ما حدش يحذف الموضوع لأنه ببساطه موجه لمدير عام وهو دكتور معوض .. وياريت لو مش هيرد علي كلامي مثلا أو هيحذف الموضوع يبقي هو شخصيا إللي يعمل كده .. علشان أبقي عارف إن إللي حذف الموضوع هو دكتور معوض .. وأقدر أحدد بعدها هيكون رد الفعل إيه .. وده مش تهديد لا سامح الله .. ولكن هي كلمه للتوضيح فقط ...

..Gladiator..
.. المصارع ..

نهار خارجي .. يقف (( راسيل كرو )) أو ماكسيموس فوق حصانه محدثا جنوده .. اليوم نخوض حربا ضد التفاهه لنحقق حلم طالما رأيناه وتمنيناه وبعد ساعات نحقق حلم القيصر (( ماركوس أوريليوس )) بإمبراطوريه عظيمه عاصمتها روما ...

ينتصر البطل ماكسيموس ويضع قدمه علي بدايه الطريق وفجأه يظهر الوافد الجديد .. أين كنت وقت الحرب .. يظهر كي يأخذ ما ليس له .. يجن جنونه حين يعلم أن والده سيتوج ماكسيموس قيصرا علي روما .. فيقتل والده .. ويحاول قتل ماكسيموس ولكن الفارس يستطيع الفرار من تلك المكيده .. ولكن حولته المكيده إلي عبد , تحول هذا العبد إلي مصارع .. وفي ساحه القتال الرومانيه بعد إستعراض رائع من ماكسيموس .. نزل الإمبراطور الجديد .. ليهنئ المصارع علي هذا العرض .. ويأمره أن يخلع خوذته .. وتكون المفاجأه .. إنه ماكسيموس عاد من جديد كي يأخذ حقه .. كي ينتقم لموت إبنه وزوجته .. من القصير .. وقالها بقلب حديدي .. وهو يعلم أنه في أرض القيصر قالها دون أن يخشي شيئا ...

... قصه تمجيدك لذاتك ستنتهي قريبا ...

الوافد الجديد .. كما كنت أطلق عليك وسيظل هذا لقبك علي الأقل عندي ...

منذ بدأت الحرب علينا بموضوعك الشهير .. المرايا .. أو كما كنت أطلق عليه أنا .. الملايه .. بدعوي تطوير المنتدي هذا التطوير الذي أسميه أنا (( التطوير في أرض الجرجير )) .. وأنا وزملائي المعروفين نتخد موقف الدفاع عن أنفسنا مما أطلقته علينا من شائعات وما ألثقته بنا من تهم نحن أو علي الأقل أغلبنا برئ منها .. ومر الوقت وهدأت الأمور في الظاهر إلا أنك ولا أدري لماذا تصر علي أن يكون بيننا صدام .. والسبب هو بعض التصرفات الإستفزازيه التي لا أدري لها سببا .. لذلك ها نحن نتخلي عن موقفنا الدفاعي .. أتمني أن تستطيع هذه المره أن تصرف (( العفريت )) كما كنت تقول في الماضي .. في ردودك الجميله .. وإليك ما عندي .. من مفاجآت ...

زمان إتهمت طلبه التعليم المفتوح جميعا .. إنهم بيتحرشوا ببنات المنتدي .. وإن في شكاوي بتوصلك من البنات بسببنا .. وأنا إتحديت حضرتك إنك تقدر تجيب بنت واحده إشتكت وأخذت الموضوع بشكل شخصي وقولت وهفضل أقول هات بنت واحده تقول إني أنا مثلا في يوم سعيت إني حتي أكلمها .. لكن وكعادتك يا دكتور ما ردتش .. وده شئ متوقع .. النهارده بقي أنا مش هرمي حضرتك بالباطل زي ما عملت معانا قبل كده .. وكمان لو حضرتك كان عندك دليل فده حصلت عليه من الرسائل الخاصه (( والخاصه جدا . كما تسميها )).. وده لأن حضرتك بتقتحهم خصوصيات الأعضاء وبتطلع علي رسائلهم الخاصه وده مش كلامي ده كلام حضرتك قولته قبل كده .. مما دفعني أن أتبع نفس الإسلوب والطريقه .. ولك أن تسامحني يا دكتور .. فأنت معلم ونحن نتعلم منك .. وها أنا اليوم أرد علي إتهامك لنا بتلك الكلمات البسيطه .. أخلاقي وتربيتي لا تسمح لي بنشر ما لدي من أدله من ستره الله لا يفضحه عبد فقير مثلي .. إلا إذا كان هذا العبد بلا أخلاق .. ولكن أحمد الله فأنا أعلم جيدا الأخلاق والآداب التي يجب أن أتبعها في تلك الظروف .. ولكن كان علي أن أظهر الفرق بيننا وبينك .. أنت لا تتردد في فضح اي شخص .. بالباطل .. ونحن لا .. لا .. لا .. نستطيع أن نفعل ذلك حتي ولو كان حقيقه .. ونحمد الله علي تلك النعمه ...

معلش بقي .. عايز أكتب حته من بتوع المرايا .. أصلي بحب إسلوبها جدا ...

طبعا مستغرب .. وبتقول إيه شغل العفاريت ده جاب الرسايل دي منين .. ده أنا بحذفهم أول بأول .. معلش بقي يا دكتور .. أصل أنا مخاوي .. وعلشان أوضح .. إللي انا مخاويه ده مش عفريت .. لا .. ده .. آي تي .. قد الدنيا .. ممكن حضرتك ما تعرفش يعني إيه آي تي .. مش هقول لحضرتك روح إسأل في الأجزخانه زي ما قولتلي قبل كده إسأل علي (( ذا كونت أوف ذا مونت كريستو )) في الأجزخانه .. لكن هقول لحضرتك .. هنا الفرق في إسلوب وطريقه الحوار .. أنا بعرف احترم الأكبر مني يا دكتور ...

إلي بعده ..

يقف ماكسيموس علي سلالم ساحه القتال ويصعد تلك السلالم ويقف علي باب الساحه وهو يلوح بسيفه ويحدث سيده أو (( مالكه )) الذي إشتراه .. ويقول .. هذة ليست روما .. هذة ليست حلم ماركوس أوريليوس .. فقد حولها القيصر الجديد إلي كابوس ...

في مذبحه القلعه .. قصدي في مذبحه طرد العضو صادق أحمد .. (( ملحوظه .. أنا هنا مش بقيم صادق ولا أنا جاي أقول هو كويس ولا وحش ولا الموضوع يشغلني أصلا )) .. لكن أنا جاي أعلق علي طريقه وإسلوب تعامل الإداره المحترمه مع المشاكل .. وعلشان اوضح ندخل في الموضوع علي طول ...

كان المفروض إن صادق أحمد هياخد حق الرد .. مهمها حصل وعمل .. حقه إنه يرد .. وطبعا عندنا إداره محترمه جدا .. عملت كده فعلا .. بس (( ظاهريا )) .. حد يسأل يعني إيه ظاهريا .. طيب ما نيجي نبص علي الحوار اللذيذ ده كده ...

Castaway pepo: افهمنى
Castaway pepo: هو انا حظرت الاكونت الجديد
Castaway pepo: اوك
Castaway pepo: بدل ماهيبقى اللقب محظور هاخليه عضو جديد
Castaway pepo: بس دا الظاهر فقط
Castaway pepo: انما الواقع هو لسه محظور
Castaway pepo: مش هايقدر يدخل بنفس الحساب
Castaway pepo: فاهم
Castaway pepo: ونقول ان المصداقية تحتم علينا فتح حسابه عشان يطلع على الكلام المكتوب
Castaway pepo: ويكذبه لو يقدر
Castaway pepo: ودا لمدة 24 ساعة فقط
Castaway pepo: بعدها نرميه بره المنتدى خالص
Castaway pepo: وصلت الفكرة

ولما سألت حضرتك في كرسي الإعتراف السؤال ده ..

_ موضوع صادق أحمد حضرتك شايف إن تم إداره الموضوع بمنتهي الشفافيه ؟ بمعني إن صادق أخذ فرصه للرد والدفاع عن نفسه ؟

كان رد حضرتك يا دكتور ...

اعتقد هذا

والله بعد ما شوفت الحوار ده حسيت بكسوف .. ليه .. هو صادق مع إحترامي الشديد ليه يستاهل مؤامره علشان يبان قدام الناس إنه واخد حق الرد وهو للأسف (( محظور )) ويبان صادق أحمد إنه هرب ومش عايز يرد .. ده إيه العجايب إللي في الإداره دي وعلشان إيه ده كله .. مؤمرات وحوارات وده منذ ظهور .. الوافد الجديد .. علي فكره مستني أعرف حضرتك هترد علي التصرف ده بإيه ...

إللي بعده ...

نيجي بقي لسبب كتابتي الموضوع ده .. سبب خروجي عن صمتي ...

أسفل ساحه القتال يقف ماكسيموس مقيدا أمام القيصر الجديد (( كومودوس )) الذي لم يستطيع قتل ماكسيموس بشتي الطرق ويحدثه قائلا .. أنت ببساطه ترفض أن تموت .. فيرد ماكسيموس .. ليس قبل أن أزهق روح أخيره .. فيقترب منه كومودوس ويقول ها أنا أمامك , ألا تخشي الموت .. ويطعنه في ظهره .. ويأمر رجاله (( مشرفيه )) أن يلبسوه درعا ويحملوه كي يبارزه أمام الشعب .. ولكن لا ينسوا أن يخفوا الطعنه التي في ظهره ...

الأخ .. محمد العارف .. عمل موضوع بيسأل فيه .. المنتدي دلوقتي أحسن ولا زمان أحسن .. وبالإجماع الكل قال .. زمان أحسن .. وأنا بضم صوتي ليهم وبقول لحضرتك .. كفايه أوي كده تخريب في المنتدي .. كل الناس المحترمه طفشت من المتندي وده نتيجه طريقه حضرتك وإسلوبك في التعامل .. وعلي رأسهم .. دكتور عايدة .. وياريت دكتور عايده ترضي تتكلم وتقول هي سابت المنتدي ليه ...

طبعا .. الكلام ما عجبش حضرتك .. إزاي الناس تتجرأ وتقول كده .. إزاي حد عندي في المنتدي يقدر يقول رأيه .. إزاي المنتدي زمان كان أحسن ميت مره من المنتدي دلوقتي .. وكان القرار بنقل الموضوع لمنتدي المشرفين .. قال إيه .. أصل ده خلاف بين المشرفين .. وده مش كلامي طبعا .. ده كلام حضرتك .. تعالا نبص عليه كده .. ده رد حضرتك علي سؤالي في كرسي الإعتراف لما سألت ليه الموضوع إتحذف فكان رد حضرتك ...

الموضوع لم يحذف .... ويمكنك التأكد من محمد العارف صاحب الموضوع بنفسه فى ذلك ... وكذلك التأكد من المشرفين الذين ردواعلي الموضوع . ماحدث ان الموضوع ...اتخذ منحنى اخر بين المشرفين وقررت مشرفة القسم ( بوسي كات ) نقله إلي منتدي المشرفين وبعلم صاحب الموضوع محمد العارف وكان وقتها مشرفا عاما ...

كلام جميل وكلام معقول ما أقدرش اقول حاجه عنه .. ولما سألت حضرتك تاني (( بس علشان اتأكد )) السؤال ده في كرسي الإتعراف ...
أفهم من كده إن الموضوع تم نقله علشان المشرفين بس (( بمعني مش لأي سبب تاني )) ؟

حضرتك رديت عليه بمنتهي الصراحه والصدق المعروفين عن حضرتك وقولت ...

نعم الموضوع تم نقله لهذا السبب فقط برغم ما ورد فيه من تجاوزات ...

طبعا ده الكلام إللي يعرفه الأعضاء والناس العاديه إللي فاكره إن الإداره بتتعامل بالطريقه الطيبه دي مع كل حد يخالفها في الرأي .. لكن الحقيقه غير كده يا دكتور .. وتعالا بقي علشان تشوف الحقيقه من غير .. مصداقيه حضرتك ... الحقيقه إن حضرتك إديت أوامر لمشرفينك (( المسيرين )) إن الموضوع يتنقل لمنتدي المشرفين .. علشان هناك بتقدر تظهر بالوجه الحقيقي إللي ما حدش يعرفه غير ناس قليله ... بتظهر هناك علي حقيقتك علشان عارف إن كل الموجودين مفيش فيهم (( ماكسيموس )) واحد يحاسب حضرتك .. وأخدت قرار ...

بحظر ... كل من .. حسام الكاني .. وأسامه محمد .. ومحمد العارف ... علشان خالفو حضرتك في الرأي .. وده مش بالكلام زي حضرتك ما بتطل علينا دايما .. لا .. أنا عندي الدليل .. تعالا بص كده علي مشاركة حضرتك دي من منتدي المشرفين ...

الى الدكتور معوض بدوى دكتور فى قسم الجغرفيا U3ezot7tu91mz

الى الدكتور معوض بدوى دكتور فى قسم الجغرفيا U3ezot7tu91mz

يا سلام علي الإسلوب الجميل في الحوار .. آه أصل المشاركه دي من منتدي المشرفين .. قصدي منتدي .. المسيرين .. المقيدين .. المغيبين .. أي حاجه غير مشرفين دي .. وإلا كان حد قاله يا دكتور .. بالله عليك ده إسلوب حوار .. وبعدين يعني إيه كل من هب ودب دي .. والله أنا أتكسف أقول الكلام ده .. وأنا طالب لسه بتعلم .. مش دكتور ومربي فاضل ...

طبعا .. محمد العارف .. ممكن يكون في حواره خرج عن حدود اللائق .. وكان بيصفي حسابات مع ناس .. وحدوته طويله .. علشان كده مش هسأل هو ليه إتحظر .. علشان عارف إن قائمه إتهاماته مليانه وأكيد هطلع غلطان لما اقول هو ليه إتحظر ...

أنا بقي عايز أعرف ليه أسامه وحسام تم حظرهم .. وبناء علي إيه .. وعايز أعرف هو إحنا بنحظر الناس بالمزاج ولا إيه .. هو ده منتدي عام .. ولا ملكيه خاصه يا دكتور معوض ...

وعلشان أوضح إن في حاله تخبط في الإداره تعالوا نشوف الكلام الجميله إللي كان رد دكتور معوض علي مجدي لما إعترض علي الحظر .. فرد وقال ...

الى الدكتور معوض بدوى دكتور فى قسم الجغرفيا 9cr1i26hxmdml0o

الى الدكتور معوض بدوى دكتور فى قسم الجغرفيا 9cr1i26hxmdml0o

طبعا الرد ده كان بعد إعتراض من الأخ مجدي علي الحظر .. فكان الرد .. (( إنهم غير مرغوب فيهم )) .. ممكن أعرف بقي حسام وأسامه غير مرغوب فيهم من مين بالظبط .. ده أولا .. ثانيا .. إيه التخبط إللي في القرارات ده مره حظر 10 أيام ومره دائم .. طيب القرار الاول كان بناء علي إيه .. والتاني كان بناء علي إيه برده ... أعتقد كده الصوره واضحه بالأدله والبراهين مما لا يدع مجالا لأي شك ...

الأغرب بقي علشان الحبكه تكمل .. إن حسام واسامه ومحمد العارف مش مكتوب تحت أسمائهم محظور .. وده سبق وحصل مع صادق أحمد كان محظور ومش مكتوب تحت إسمه محظور .. لكن الناس دي للأسف محظوره ودي صوره للحظر إللي علي حساب حسام الكاني ...

الى الدكتور معوض بدوى دكتور فى قسم الجغرفيا Tyvmlwhp

الى الدكتور معوض بدوى دكتور فى قسم الجغرفيا Tyvmlwhp

ها كفايه كده ولا ايه .. أعتقد كفايه ...

طبعا الدنيا هتقوم ومش هتقعد في جواسيس بتدخل منتدي المشرفين في خونه .. وكلام كبير .. طبعا مفيش خونه ولا حاجه .. كل ما في الموضوع إن في ناس لسه بتخاف علي المنتدي وعايزاه يخرج من النفق المظلم إللي دخله منذ فتره .. وبصراحه أنا كنت هسكت وأريح دماغي بس خلاص كده كفايه ولازم يكون في وقفه .. إحنا مش هنسيب المنتدي يضيع علي إيدك يا دكتور معوض .. وياريت ولو مره واحده ترد وبمنتهي الصرحه .. وده شئ أنا اشك فيه ليه .. أصلي أنا بيني وبينك عارف إن مش حضرتك إللي كتبت .. المرايا .. لوحدك .. شوفت أنا خطير إزاي .. وعارف كمان مين كونسولتو الدكاتره إللي كان بيجتمع ويرد تحت إسم حضرتك .. وأعتقد إن حضرتك علشان تجمعهم تاني علشان يردوا هتاخد وقت وساعتها ناس كتير هتكون شافت الموضوع .. وعرفت للاسف حقيقه .. بجد أنا كنت حزين وأنا بكشفها ...

أخيرا .. يبارز ماكسيموس القيصرر الجديد كومودوس أمام الشعب .. ويطعنه في رقبته .. وكم كان يتمني أن يمزقه إربا لما فعله وما إقترفته يداه من خطايا .. وبعد أن يتركه يسقط علي الأرض قتيلا .. يحدث شعب روما قائلا .. كان هناك حلم إسمه روما شوهه هذا القيصر .. ورغم أنه قتل إلا أن آثاره ستظل تلوث روما .. لذلك فقد قام الرجال الشرفاء ببناء روما جديده .. بعيدا عن مؤامرات القيصر الجديد .. وهي تنتظر مجهود كبير منكم كي تصبح حقا .. حلم قد تحقق ...

ملحوظه صغيره أوي يا دكتور .. ياريت ما تحذفش الموضوع وترد عليه .. علشان أنا لو حضرتك حذفته أنا هنشره في منتديات تانيه وهبعت اللينكات لكل إللي عندي علشان الناس تعرف الحقيقه .. بس وقتها حضرتك مش هتقدر تدافع عن نفسك علشان كده أنا نشرت الموضوع هنا .. علشان تقدر ترد عليا .. ده لو فعلا هتقدر ترد ...

أعتقد إن كفايه كلام لحد كده علي الاقل مؤقتا .. علشان الموضوع طول أوي .. بس أكيد ليا عوده .. أصل جراب الحاوي لسه مليان والمصايب كتير في منها إللي ينفع اقوله .. وفي منها إللي ما ينفعش أقوله علي صفحات المنتدي ...

يارب أكون فعلا أكدت فكرة حضرتك عني .. وهي .. إني من أصحاب الإصرار والعزيمه القويه ...

أخيرا أقدر اقولك ...

إنتهي الدرس الأول .. أيها الوافد الجديد ...

» أبحث عن دكتور
» سؤال عن دكتور
» الي الدكتور محمد نصر
» اخبار دكتور هانى اول باول مادة اعمال سنة
» نداء الى الدكتور محمد نصر