لو زهقان من الكلية .... تعالى هنا انت زهقنا!

طبعاً انت ماصدقت تلاقى عنوان زى دة و تدخل ...... صح ولا لأ ؟

طب عموماً أنا مش هطول عليك عشان شكلك مستعجل و عايز تقرأ الموضوع

قبل ما تروح الكلية عدى على أى كافيه و استفتح بالجرسون بتاعه

هيجى الجارسون بصله كدة و قوله : انت بقى الجارسون بتاع المكان الغريب دة ؟

طبعاً هيقول اه

قول : طب ازاى ؟!

هيقول يا فتاح يا عليم ..... أؤمر

قوله عندك برجر ؟ هيقولك اه

قوله حلو ؟ هيقولك تمام

قوله اوك يبقى اكتب واحد شاورمة

طب عندك كبده ؟ هيقولك ايوة قوله معمولة ازاى ؟

سيبه يرغى شوية وقوله انا اصلا مبحبش الكبدة فكك

حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها

المهم حاول تجيبله جفاف عقبال ماتطلب اللى انت عايزه

وأنت بتاكل بقى أتسلى على المخلل اللى مش عاجبك

أرمى شوية على التربيزة وشوية على الأرض أنت وذوقك بقى

لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة

ومتنساش تعيب على الأكل وأنت بتحاسب وكمان تقول الحساب غالى

فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن

يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم

لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر

لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض

استلم أى حد واسأله المحاضرة هتخلص امتى ؟ وكل فيميتو ثانية كده اسأله الساعة كام اصل أنا زهقت

طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا

عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد

هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش

ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص

لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر

خد وقتك
كأنك بتحجز فى سينما و اسأل أسئلة كتير وكل مايقولك حاجة قوله مش فاهم
معلش قول تانى فهمنى أعمل أيه بالظبط لحد ماتشل أكبر عدد ممكن

وبكده انت تكون خلصت مهمتك

ههههههههههههههه

بـس إللـى يسمـع للكـلام ده بأة يستـاهـل إللـى يجراله

موضوع لذيذ يا آية.

ههههههههههههههههه
بجد حلو اوي بس ربنا يستر على اللي هيعمله
تسلم ايديك يا ايوش

بس اية رايكم ظبتكم هههههههههههههههههههه

ههههههههههههه دي رخامة

_________________
لو زهقان من الكلية .... تعالى هنا انت زهقنا! 370440190

لست مغرمة بأن أصبح فتاة تركع عند قدميها قلوب الرجال ...!!
بل أكتفي ان يشعرني رجل واحد اني اعظم فتاة في نظره وسأجعله رجل فوق كل الرجال ...

ههههههههههههههه ههههههههههههه
انا ماوقفتش ضحك
تسلم ايدك ايه

_________________

لو زهقان من الكلية .... تعالى هنا انت زهقنا! Img_1341148564_957

لو زهقان من الكلية .... تعالى هنا انت زهقنا! 59aa9f03b6

جميل اوى تسلم ايدك يا ايه

لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض

بس انتى متفاله قوى احنا عندنا لو حد بص ف كشكول اللى جنبه هتقفل ف وشه ع طول ده لو مترزعش قلم ع وشه

» حكمة الله تعالى في الاعتماد على التقويم القمري في الصوم
» هل تعلم ماذا يحب الله تعالى وهل تريد أن يحبك الله