اوعي تتجوزي اللهم بلغت اللهم فاشهد

ازيكم يا بناات ويا شباب بردو..

ايه مالك ؟ اتخضيتي من العنوان .... هتموتي وتتجوزي صح ؟؟؟


متخفيش هتتجوزي يختي ده شر لابد منه .....لكن انتي في نعمة ومش حاسة بيها عارفة ليه ؟؟ هقولك ..

انتي دلوقتي عايشة حياتك اخر روقان ودلع وعدم ارتباطك له عشر فوايد مش هتحسي بقيمتهم غير وانتي جوا القفص ....



((( 1 )))

مش هتكوني مضطرةانك تستحملي شخصية واحد مختلف تماما عن شخصيتك ... ده غير بقي انه طول الوقت

هيفضل يشخط وينطر قال يعني عامل فيها عنتر وينفعل عليكي بدون داعي ...





((( 2 )))

تاكلي براحتك وبمزاجك الاكل اللي يجي علي بالك من غير ما تقلقي ان كان وزنك هيزيد ولا لاءده غير انك هترتاحي

من تعليقاته السخيفة والبايخة ومش هيبقي وراه شغلانة غير التريقة عليكي وانتي رايحة وجاية ادامو هيقولك يا تخينة

يا فجعانة .. حتي اللقمة باصص فيها ..



((( 3 )))

حياتك دلوقتي عاملة ازاي ..؟؟ بتقومي وقت ما انتي عاوزة وتنامي وقت ماانتي عاوزة , تقعدي علي الكمبيوتر ..

تتفرجي علي التلفزيون ... تخرجي مع صحباتك .. يعني عايشة حياتك بالطول والعرض اخر روقان

لكن بعد الجواز انسي كل ده هتلاقيه واقفلك زي الحيطة ويقولك انتي رايحة فين ؟؟ كنتي فين يا هانم ..؟ بتكلمي مين ؟؟

هيكون مين يعني ... ده غير انه ممكن يحلف عليكي لو طلعتله الزربونة بالطلاق انك متروحيش لمامتك وهو داير متسرمح

في كل حتة شوية ... اووووووووووووف حاجة تخنق



((( 4 )))

شنطتك فيها فلوس صح ؟؟دي فلوسك انتي لوحدك ...تجيبي بيها اللي نفسك فيه كله صباع روج او ازازة برفان
يعني هتجيبي اللي انتي عاوزاه من غير ما حد يدخل في مشترياتك .. لكن بعد الجواز لو جيبتي حاجة من نفسك
هيفضل يقولك وده لازمته ايه ؟ ايه الحاجات التافهة اللي انتي جبتيها دي ؟ مش البيت اولي ؟؟كفاية بعزقة ولمي ايدك ..
اما هو بقي يروح يصرف علي مزاجه وعلي سجايره ولو قلتيله حرام عليك هيقولك هو انا اللي بشتغل ولا انتي ...



((( 5 )))

متعودة انك تقضي يوم معين في الاسبوع في اي مكان بتحبيه ؟ او متعودة انك تزوري صحبتك الانتيم ؟؟
او متعودة انك تروحي رحلات مع صحباتك ؟؟؟بتعملي كدة دلوقتي صح ؟؟
هيصي يا بنتي وافرحي ده انتي في نعمة ... شوفي بقي لو اتجوزتي كل ده هيكون احلام وزكريات جميلة وهيكون
ممنوع والغاء من حياتك تماما



((( 6 )))

عندك هواية معينة بتعمليها صح ؟ زي اشتراكك في المنتديات او كتابة الشعر او القرايا
كل ده قوليله باي باي بعد الجواز هيموت يا روحي بعد جوازك انسيه تماما هواياتك الجديدة هتكون ليها شكل تاني خالص
هتكون في هواية الغسيل ونشره طبعا ...وهواية رضاعة الواد اللي عمال يوأوأ ... والبيه جوزك منفضلو وعامل نفسه مش سامع ... ده غير هواية خياطة قميصه وتركيب زرايرو الواقعة علي طول وياريته بيطمر



((( 7 )))

بتتكلمى وتقولى رأيك فى كل شىء صح؟وفى اى مكان ومع اى حد ومن غير خوف وقلق صح؟
لا يا ماما لااااااااااا انسى كل دة نهائى بعد الجواز كل كلمة منك هتطلع بحساب وهيكون ليها حساب(
انت لية بتقولي كدة ؟) ما تعدلى لسانك ؟انتى ازاى تسمحى لنفسك تقولى الكلمة دى,,,, يعني مش هتخلصى من زنو



((( 8 )))

انتى بتشتغلى؟اشتغلى اى شغلانة تحبيها وفى اى مكان تختارية لكن بعد الجواز شغلك هو جوزك اللى هيقرفك فى حياتك
بطلباتة اللى مش بيخلصو



((( 9 )))

بتحبى محمد حماقى؟بتحبى عمرو دياب؟ومغرمة بعيون توم كروز؟ حبى واعجبى بأى راجل انتى عايزاة وبحلقى فى دة ودة ...مين أدك براحتك بقى.. لكن مثلا لو حبيتى تقولى رأيك في مطرب او ممثل امور وشيك هيقولك ايه المياصة دي
حماقي ايه وكروز ايه وعمرو دياب ايه ؟؟بتحبيهم علي ايه دول ؟؟ بيقولك كدة علي اساس ان حضرته عمر الشريف وانتي مش واخدة بالك
وهو بقي يبحلق لنانسي وهيفا ويتنح ادام كليبتاهم وصورهم .. رجالة متملاش عنيها الا التراب ...




((( 10 )))

واخيرا اهم حاجة عندك ايه وبتهتمي بيها ايه دلوقتي ؟؟؟
اكيد جمالك ورشاقتك جسمك رشيق ومتناسق صح ؟ مفهوش كرش ولا دهون ؟ وبتلبسي اللي انتي عاوزاه واصغر المقاسات
ده دلوقتي بس .. لكن بعد الجواز هتلبسي اكس اكس اكس اكس لارج
وفي الاخر هيعيب عليكي ويقولك روحي شوفي البنات اللي في بيطلعو في الكليبات عاملين ازاي ... وهو اساسا بيكون
كرشو ادامو شبرين زي مايكون بالع كورة ولا بطيخة



شفتي بقي اقتنعتي ولا لسة ؟؟؟؟؟


نصيحة اى بنت مخطوبة تفركش الخطوبة بسرعة


معلش طولت عليكم لكن كله لمصلحتكم يا بنات وبطلب منكم طلب ياريت تدعولي اني














اتجوز .. هههههههههههههههههههههههههههههههه

تصدقى عندك حق يا ميروووووووو

وفى الاخر بعد ما تعمليه كا اللى عليكى يقولك هو انتى بتعملى حاجه انا اللى بتعب وبنزل كل يوم وبتعب ف الشغل

وقال يعنى نظافه الشقه والاكل والاطفال وكل ده بتعملوا لوحدهم بالريمود

ويروح البيت الساعه مليون ويقوله الشغل كان كتير وهو اصلا كان قاعد ع القهوه مع صحابه اللى ع قلبه زى العسل

موضوع جميل يا ميرو

ههههههههههههه لا احنا كدة احسن والله لو حاجة ما عملنهاش في حد تاني بيعملها لكن بعد كدة انت اللي عليكي كل حاجة وبعد كدة نجيب بيبي يقرفنا ويخرب اللي بنعمله ويعيط طول النهار هههههههههه بس ده شر لابد منه

ههههههههه ميرسي علي مرورك يا قمر

تسلم ايدك يا ميرو انا عجبانى دة
((( 2 )))
هيفضل يشخط وينطر قال يعني عامل فيها عنتر وينفعل عليكي بدون داعي

مش هيبقي وراه شغلانة غير التريقة عليكي وانتي رايحة
وجاية ادامو هيقولك يا تخينة

يا فجعانة ..

شغلك هو جوزك اللى هيقرفك فى حياتك
بطلباتة اللى مش بيخلصو
لكن بعد الجواز انسي كل ده هتلاقيه واقفلك زي الحيطة ويقولك انتي رايحة فين
؟؟ كنتي فين يا هانم ..؟ بتكلمي مين ؟؟
وهو داير متسرمح

في كل حتة شوية
رجالة متملاش عنيها الا التراب ...
والله انتى زى العسل يا ميرو بس حرام مش كلة باذن الله ربنا يوفقنا بزوج يرضى ربنا فينا

ههههههههههههههههههههه جميل جدا يا ميرو وعندك حق واحنا دلوقتى فى نعمه بس ده امر واقع وربنا يوفقك

الكلام ده كله كان أيام سسسيد الله يرحمه دلوقتى المرآه وخد حقوقها ويمكن أكثر من حقوقها كمان واحتمال تتعين قاضيه فى مجلس الدوله
ومن حقها دلوقتى حاجات كتير مكتشى موجوده زمان

هههههههههههههههههههه يااااااااااااااااارب ياااااااااااااااااارب يا ميرو

تتجوزى وتكونى اول واحدة فينا تاخد العلقه والمقلب الجااامد ده هههههههههههههه


بس تعرفى انتى فتحتى عنيا ع حاجات كتير واكتر كمان من اللى عندى

ههههههههههههههه ربنا يخليكى ليا يارب وما يحرمنى من نصايحك الجامده اوى دى

بقولك ايه لو عندك تانى قوليلى لحسن انا محتجاهم كتير الايام اللى جاايه

ههههه ليه يا قمر محتاجاهم ليه هتتجوزي

ايه فيكى من يكتم السر...........

هههههههههههههههه

هههههههههههههههههههههههههههه
مرسي ميرو ع النصائح الجاااااااامده دي
بس ذي ماقولتي ده شر لابد منه
وحرام برده عشان منظلمش حد لسه في رجاله كويسين بس تيهين ف وسط الزحمه

هههههههههههههههههههه
عندك حق والله ياميرو
بس نعمل ايه بقى
ربنا يجيب العواقب سليمه
ويااااااااااااااااارب تتجوزى
وانا معاكى
تسلم ايدك يا قمر

على فكره كل اللى بيقول مش هتجوز اول واحد بتتجوز وانتى اول واحد ه يا ميروووو هتتجوزى واللى وراكى سنجل علطول
وانا اللى هعملكو الفرح واشمت فيكو

حياتك دلوقتي عاملة ازاي ..؟؟ بتقومي وقت ما انتي عاوزة وتنامي وقت ماانتي عاوزة , تقعدي علي الكمبيوتر ..

تتفرجي علي التلفزيون ... تخرجي مع صحباتك .. يعني عايشة حياتك بالطول والعرض اخر روقان

لكن بعد الجواز انسي كل ده هتلاقيه واقفلك زي الحيطة ويقولك انتي رايحة فين ؟؟ كنتي فين يا هانم ..؟ بتكلمي مين ؟؟

هيكون مين يعني ... ده غير انه ممكن يحلف عليكي لو طلعتله الزربونة بالطلاق انك متروحيش لمامتك وهو داير متسرمح

في كل حتة شوية ... اووووووووووووف حاجة تخنق دى عجبانى اوى وربنا يستر منها
موضوع جامد جدا تسلم ايدك وعلى النصايح المهمة دى
بس يارب لما تتجوزى ما تتنفذش فيك وتبقى احسن زوجة لحسن راجل يستهلك
تقبلى مرورى واسفة على الاطالة

يارب يا قمر كله الا اني مش اروح لماما  التوبيك نور بمرورك يا قمر

ههههههههههههههههههههه البنت من غير راجل ولا حاجه الرجل هو الحنان والدفئ التي لا تستغني عنه المراه ومعظم البنات عيزه تتجوز ودية حقيقه وليست اكذوبه وعلي راي المثل ظل رجل ولا ظل حائط ان الرجل يدافع ويخاف علي المراه ويصون شرفها لما لا تريدين الزواج وهذا راي المتواضع لكم teto

اكيد زي ما انت بتقول بس الموضوع ده مجرد هزار مش اكتر وشكرا لمرورك

ههههههههههههههههههه ده انا جاتلي عقدة من الزواج خالص تسلمي