ازااااااااي تخلع من البت بتاعتك؟؟؟؟...تعالي والله مش هتندم..

بسم الله الرحمن الرحيم..

ممنوووع دخول البناااااااااااات...دي اسرار يانااااااااس...هههههه

الى كل روميو اتخنق من جولييته و عايز يغير او يبدل او يبطل

المهم انه ناوى يخلع بأى طريقه

الاول عايزين نتفق اننا بنفكر ازاى نخلع و منغير ما نخسر


بص يا باشا


الطريقه الاولى

@@ غلطه مطبعيه @@

فى نص الليل و الدنيا ضلمه ( ماهى اكيد ضلمه طبعا ) افتح ايميلك و ابدأ فى كتابة رساله لحبيبة القلب اوصفلها كل مشاعرك الفتاكه

احكيلها عن كل حالات الحب و الانصهار العاطفى اللى بتجتاحك لما بتفكر فيها ..

احكيلها عن كل احلامك و امنياتك و البيت الحلم الجميل و البيت الصغير و العيال اللى زى القمر اللى هما نتيجة الهرتله دى كلها ..

بس فيه حاجه يا معلم بعد ما تخلص كل كلامك عايزك تعمل حاجه صغيره

اكتب فى اخر سطر بحبك يا مروه.

و طبعا مش محتاج اقول لك ان حبيبتك اسمها هند..

و ابقى قابلنى لو عبرتك تانى




الطريقه التانيه

@@ التاااااااااااااااااااار @@

انزل لها فى يوم منيل على الصبح كده و انت لابس جلابيه صعيدى و شايل كفن على ايدك طبعا هتسألك : على منظرك ده جه منين


سعادتك هتروح متكلم صعيدى برضو و تقول لها ان ابن خالة مرات عمة جوز خالتك عليه تار فى الصعيد الجوانى و مفيش حد ينفع يتقتل فى الحوار ده غيرك ... يا كده يا تتجوز بنت اصحاب التار ..

و طبعا انت رفضت بكل عزة واباء انك تضيع حبكم علشان حتة موته لا راحت ولا جت فقررت انك تموت ولا
انك تتجوز غيرها ابدا ابدا ابدا


طبعا رد الفعل الطبيعى ان المسطوله اللى بتحبك هتشترى هى الشبكه علشان تتجوز المسطوله اللى انت اخترعتها



الطريقه التالته

@@ المرض البطال @@


و انت قاعد معاها فى اى كازينو وقت الغروب اسرح فى منظر الشروق و سيبها هى تلالى مع نفسها و اكيد هتاخد بالها انك سرحان .

عايزك و انت سرحان كده متبقاش سرحان بجد لا اوعى ..

انت هتبقى مركز فى اى نقطتين دموع تنزل من عينك و طبعا المعلمه هتتخض من منظرك خصوصا انك مكونتش بتبطل رغى قبل كده

و هتسأل مالك ... هنا بقى وقت الدمعتين .. اوعى تبصلها .. قول لها وانت شارد برضو انك من زمان كنت حاسس ان صحتك مش ولابد و امبارح بس روحت للدكتور و طلب منك تحاليل و النتيجه طلعت النهارده الصبح .. و اسكت ..


هتسألك طلع عندك ايه ؟!

هتسكت شويه و بعدين تقرر تقول لها طبعا انت عارف طلع عندك ايه ؟

لا طبعا يا ناصح سرطان ايه بعد الشر..؟؟

انت طلع عندك انفلوانزا الخنازير!!!!

هى الموضه دلوقتى يا عم

وقبل ما تستوعب الموقف سيبها و امشى تبلع الصدمه مع نفسها بقى

وبالمره تحاسب هى على العصير





الطريقه الرابعه

@@ البن @@

ايوه البن ايه عمرك ما شربت قهوه؟!!


اتصل بيها الساعه 7 الصبح و حاول يكون فى يوم سقعه و مطر و صيف و بهدله بحيث انها تبقى جايه مش مركزه اصلا و اول ما تشوفها قول لها ان عمك اللى عنده مزرعة بن فى البرازيل بعت لك عقد عمل عنده فى المزرعه بتاعته ..

وطبعا دى شغلانه عمرك ما هتعرف تعوضها عندنا علشان احنا فى مصر مش بنزرع بن اصلا ..


ليلى انا مش هقدر اعذبك معايا اكتر من كده .. ليلى .. البن اقوى منى

ومتنساش بعد كام شهر تبعت لها كيسين بن برازيلى محوج من عند البقال اللى على اول شارعكم علشان تصدق انك هناك...!!



وادي دقني اهي....لو عبرتك تاااااااااااااااااااااااااااني..

اي خدمه ياشباااااااااااااااااااااااااااااب

شكرا يا كالو ع الموضوع

اديك عرفتنا برضو انتو بتفكرو ازاى

ههههههههه كشفتوا نفسكوا وتقولوا علينا كدابين

ههههههههههههههه
بجد كلام مضحك اوي ده موش عشان اي شاب يخلع من واحده دا اكيد عاوز يثبتلها انو عبيط
هههههههههههههههههههههههههههههههههههه
ودي موش غلططت الشباب لا دي غلطه البنات اللي تسمح انهم يلعبوا بمشاعرها بالطريقه التافهه دي

هههههههههههههههههههه
ولا تقلق سرك ف بير
وعلي فكره احنا استفدنا برضه ..طبعا استفدنا ..عرفنا دماغكم فيها اي

هههههههههههههههه
وليه اللف والدوران ما يقولها وخلاص