يوم فى حياتى

فكرة جميلة يا تيتو تسلم ايدك

اه ده احراج ايه


طيب
انا غالبا بصحى متأخر من النوم لأنى متعودة أنام متأخر سواء فى دراسة او اجازة حوالى 11 او 12 الظهر ده إن كان خطيبى طبعا راضى عنى ومصحنيش من الساعة 8 او 9
وبعدين بعمل الاشياء الروتينة زى صلاة الضحى والاذكار وقراءة القران ولو هحفظ قران او حاجة
وبعدين ممكن افطر وغالبا لا بس لما بفطر بفطر جبن او سميط وعسل وبعدين ادخل على الكمبيوتر وطبعا دى معناه كارثة كبرى لأنى ممكن اقعد عليه اكتر من 7 ساعات
المهم بقعد على الجهاز اكتب اى حاجة تخطر على بالى حلوة او وحشة المهم اقعد افضفض مع الجهاز وبعدين ادخل على المنتدى اشوف الجديد او اكتب مواضيع عليه
طبعا الموضوع مش بيخلى من شوية عكننة وشوية زعيق وخناق علشان انا مش بعمل حاجة فى البيت طالما قعدت على الجهاز فأقوم باحترامى واروق واشتغل شغل البنات الغريب ده وطبعا منساش انى اصلى
وطبعا اكون فاتحة الاميل وخطيبى معايا على الاميل يعكنن هو كمان عاليا على شوية اوامر وزعيق منه بس من غير كدب هو علشان انا مهملة فى صحتى وهو بيخاف عليا فبيضطر لكدة علشان اسمع الكلام
وبعدين افتكر ان الساعة 7 او 8 وانا لسة مش اتغديت فأقوم اتغدى قبل ما خطيبى يوصل البيت ويفتحلى الموشح التانى
طبعا غدائى زى اى غدا طبيعى شوية رز على طبيخ مع انى مش بحبه وفراخ بالتأكيد ( بموت فيها ) ومخلل
أو الرضا الإلاهى نزل علينا وفيه محشى وفراخ برضة اما لو فيه سمك فأنا بهاجر من البيت طبعا على اى بيت تانى
وبعدين أبدأ طبعا تغليس على أختى لحد ماتسيبلى التليفزيون لوحدى او انزل اروح عند جدتى اقعد معاها هى وجدى
واستنى طبعا المكالمة الذهبية بتاعت كل يوم ( مكالمة خطيبى طبعا) على فكرة انا بحب خطيبى زى ما أنتم فهمتوا بس انا مهملة وهو متحكم فلازم اخد كلمتين علشان اسمع الكلام زى الاطفال
تقريبا كدة بقت الساعة 1 او 2 صباحا يا بكمل حفظ القرأن لو محفظتش الصبح أو اقعد اتفرج على التليفزيون وده نادر او اسمع الراديو وده غالبا او اقعد أقرأ كتاب من كتبى( كلها روايات حب ورومانسية ) طبعا لحد الفجر ومنساش طبعا اكمل رخامة على اختى وافضل اضربها وهى طبعا مش طيبة ولا حاجة هى كمان بتقوم بالواجب بس بأمانة هى حنينة وبتحبنى زى ما بحبها هى طبعا اصغر منى
وبعدين اصلى الفجر وأنام مع الملايكة وأكل رز باللبن معاهم

ده غالبا يومى فى الأجازة طبعا يومى فى الدراسة مختلف تماما
يارب مكنش مملة فى سردى للأحداث ولو مملة خالوها عليكم

يالا يا كدابة
فى حاجات كتيييييييييييييييير نستيها
منها
انك اصلا مش بتحبى الفراخ

ومنها برده
انك بتقعدى تسمعى ايهاب
هاااا؟
اكمل ولا كفاية؟

تسلم افكارك يا عم تيتو

حرااااااااااااااام عليك
ده تدبيس بقة

اوك نبتدى
اولا يومى فى الدراسة
لانه بيختلف طبعا عن ايام الاجازة
المهم
بصحى زى خلق الله كلهم
انزل من على السرير
امشى ناحية الحمام
اخد دش المية الساقعة صيف او شتا مش بتفرق المهم دش الميه الساقعة
اخرج اصلى والذى منه
اخد الكتب والحاجة بتاعتى وانزل ع الكلية
اما من ناحية الفطار والذى منه فانا عادة مش بفطر يعنى مش بحب الاكل اوى
المهم
اروح الكلية اسلم على خلق الله
احضر محاضراتى
طبعا مش بفهم حاجة خالص
اقعد يا اما أألف اى حاجة
يا اما اتريق على كلام الدكاترة يعنى
نوع من الخنقة شوية
المهم
طبعا بعد المحاضرة ننزل نقعد فى الحديقة تحت
والكل يقعد يلعب وانا يعنى ساعات العب وساعات لا
وبعدبن الست سنسنة تخلص محاضراتها ترن لى
اقابلها
نتمشى شوية او بمعنى اصح نأتم على بعض
نهزر وطبعا زى العادة بتتبلطج عليا
المهم
اروح ادخل البيت اتغدى
طبعا ابقى داخل تعبببببببببببببببببببببببببببببان جدا من المشوار غير تعب الجامعة
ازعق معاهم فى البيت
وزى العادة اسيب البيت واتزل اقف على الكورنيش شوية
ساعة اتنين
والخنقة دايما مش بتروح
المهم
اروح البيت
اانام
تبقى الساعة بقت 2-3 اصحى تانى يوم وهكذا
عادة بصحى الساعة 7
يعنى
واهى الحياة ماشية

اما بقة يوم الاجازة
فعادى اليووووووووووووووووم كله بيبقى شغل
مقدرش اقول اكتر من كده
ومردودالك يا عم تيتو

يا كداااااااااااااااااااااااااااب
انت اللى بتبلطج عليا
وبعدين نسيت تقول انك لما بتكلمنى بتغلس عليا جدا
بس والله ياجماعة على اد غلاسة احمد اللى مش بتنتهى على اد انه احلى صديق ممكن حد يقابلة
بس علالايتمر

بس بقى ياتيتو احنا عايزين نعرف يومك بقى شكله ايه
انت اللى عليك الدور بقى

ماشى يا عم تيتو
وانا منتظر

وانا على احر من الجمر منتظرة
ومرسيه انك وافقت

مستنيين يومك يا تيتو ولو هتتأخر هقوله انا بالنيابة عنك

معلش ياجماعة تيتو هيغيب عن المنتد ى لمدة 15 يوم عشان عنده مشاكل فى الجهاز بتاعه

والله يا بختك انا قريب برضه هشتغل

كل واحد بيشوف حياتة مملة حتى لو هى احلى حياة
تعرفوا انا نفسى اشتغل زيكوا
بس للاسف؟؟!
لو حد عنه شغل ليا يقولى