عندما يتــــــوب الحرامــــــى..... ربنا يتقبل توبتنا جميعاً

السلام عليكم و رحمة الله و بركاته

النهاردة جايبلكم معايه حتة حكاية جامده وفيها موعظه

بعنوان ....

حــرامى قـــرر يـتــوب

يارب تعجبكم

>> يلا بينا >>

اتسرقت عربية واحد و راح بلغ عنها فى قسم الشرطة ،

و قعد مستنيهم لغاية لما يقبضوا على اللى سرقها

و طال انتظاره يا عينى ...

و بعد بهدلة مع التاكسيات و الميكروباصات و بعد عناء استمر لمدة طويلة

رجع بيتهم فى يوم و إذا بيه يلاقى جرس التليفون يرن ...

راح لقى شخص بيقوله فى صوت حزين متردد : هوا
حضرتك ... أأأ ..أأأ

هوا أنت صاحب العربية اللى مواصفاتها كذا و كذا ؟؟ !!

رد عليه و قالله : أيوه أنا

الحرامى : أنا اللى سرقت العربية بتاعتك بس و
الله أنا تبت ، و لكن أنا مش عارف أيه اللى خلانى أعمل كده

الله يخربيت الفلوس و الطمع فى تحسين المستوى مع إنى راجل معايه فلوس ..

للأسف كله من سماع الشيطان الوسواس الخناس

أرجوك سامحنى علشان خاطر ربنا يقبل توبتى ...

لازم أسمعها منك إنك مسامحنى و إنك مش هاتبلغ البوليس عنى ...

و أنا من جهتى هارجعلك العربية

أنا مش عاوز أتفضح وسط عيلتى و قرايبى و الناس اللى يعرفونى

فرد صاحب العربية بلهفة : أرجوك رجعها و
أنا مسامحك ... رجعها

فقال له الحرامى : أنا تبت و هارجعهالك ...
أنا هاسيبهالك فى المكان اللى يعجبك

فـ رد صاحب العربية : سيبها طيب فى
المكان الفلانى بشارع جامعة الدول العربية

الحرامى التائب : خلاص اتفقنا ، و هاتلاقى
المفاتيح جوا العربية

و هاحطلك كمان ظرف فيه هدية عبارة عن تذاكر سفر لشرم الشيخ لمدة 3 أيام

و هناك حجز ليك أنت و أسرتك بفندق كويس ... لأنى عارف إنى تعبتكم بغلطتى
و جريمتى

راح صاحبنا للمكان اللى اتفقوا عليه و إذا بيه يلاقى عربيته فعلاً
هناك

ففتحها و بص لقى المفاتيح جوا العربية زى ما الراجل قال له بالظبط

ففرح جداً و انبسط .... لم يمر وقت طويل و راح لقى ظرف موجود جوا
العربية على تابلوه العربية

راح فاتحه بلهفة ... و إذا به 5 تذاكر سفر بالفعل .. على نفس عدد أفراد
عيلته بالظبط

فأستغرب ..

راح البيت و اتصل بشركة السفريات .. و اتضح فعلاً إن التذاكر سليمة و
الحجز مدفوع مسبقاً !!

قعد يفكر ... أيه يا جدعان الراجل اللى ضميره صحى قوى ده !

... فعلاً حس بغلطته

فاتصل بالفندق علشان يأكد السفر .. و كان قاعد جنبه مراته و أولاده

اتصل بيه الحرامى بعدها بشويه .... ترن ترن

ها .. سامحتنى يا أستاذ ؟ و هل قبلت هديتى ؟

فقال له صاحبنا : جزاك الله كل خير ...
و أنا مسامحك و قبلت الهدية

و بعد يومين من قضاء أجازة سعيدة مع عيلته فى شرم و الاستمتاع بجمالها

رجع بيتهم لقاه مسروق بالكامل و بقى أنضف من الصينى بعد غسيله

_________________

وقت الامتحان مالوش لجام
معلومات تطير زي الحمام
اى كومنت بدون كلام
تقعد تفكر في امر هام
يوم نتيجتك يترفع عليك حزام
ياترى الماده دي من كام !!!

ههههههههههههه لا بجد فعلا نوي يتوب تسلم الايادي

_________________
عندما يتــــــوب الحرامــــــى..... ربنا يتقبل توبتنا جميعاً 370440190

لست مغرمة بأن أصبح فتاة تركع عند قدميها قلوب الرجال ...!!
بل أكتفي ان يشعرني رجل واحد اني اعظم فتاة في نظره وسأجعله رجل فوق كل الرجال ...

بس بجد يا جماعه ماحدش يظلم الحرامى
مش ممكن يكون حرامى تانى هو اللى سرق البيت
ويتصل بيه كمان شويه ويقوله انا هارجعلك حاجتك..........
الله اعلم

وشكرأ لمرورك الجميل

_________________

وقت الامتحان مالوش لجام
معلومات تطير زي الحمام
اى كومنت بدون كلام
تقعد تفكر في امر هام
يوم نتيجتك يترفع عليك حزام
ياترى الماده دي من كام !!!