المعاكسات

الموضوع ده انا جبته من احد المنتديات
بس لقت الموضوع يستاهل

ياريت تجاوبو علي الاسئله اما انا هجاوب بعد مكلكوا تجاوبوا

اولا بشكرك انك بتكلم فى مواضيع مهمة وتهم الشباب
ثانيا اجابتى على الاسئلة
1- انتى من وجهه نظرك شايفه المسئوليه تقع على مين ؟؟
المسئولية واقعة على الاتنين لان بنات كتير بيكون لبسهم وحركاتهم وطريقة كلامهم ملفتة جدا للنظر وبتثير بيها نظر الشباب ؛وايضا الشباب بيكون متطاول جدا واول حاجة بيفكر فيها ان ينظر للبنت دى ودى وينسى ان فيه دين وفيه غض نظر حتى لو البنت ملفتة


2- و هل فعلا لو بنت محترمه محدش حيعاكسها ؟؟؟
لا بتتعاكس برضة ولو لابسة خمار او اسدال كمان واحيانا بتكون البنت لابسة نقاب احيانا والشباب بتتطاول

3-هل البنت المحجبه بتتعاكس اقل ؟؟؟
لا بتتعاكس زى البنت الغير محجبة وده بلمسة وبشوفه فى الواقع وده راجع لان المحجبات بعض منهم بيكون لبسة ملفت تماما مثل الغير محجبة وقد تكون اكثر
وسبب تانى لان الشباب بقى كل همّهم معاكسة اى بنت وخلاص علشان يبان انه روش وحبيب والكلام ده طبعا

4- مين الفئه العمريه الي بتعاكس اكتر؟؟
من 13 _35 تقريبا وممكن فئات عمرية اقل او اكبر بتتعاكس ايضا بس على حسب الشكل والطريقة والذى منه


5-هل التعليم والتربيه ممكن تققل من ان الولد يعاكس البنت؟
اه طبعا ممكن بس لما يكون فيه الاول تربية وتعليم
لما الاقى مدرسينى والقدوة ليا محترمين ومش بيعاكسوا ادامنا او بيعاكسونا احنا البنات وده بيحصل المدرس بيعاكس الطالبة عنده وممكن يعرض عليها ايضا اشياء اخرى غير اخلاقية
؛ ولما الاقى ايضا التربية فى البيت مكتملة كتربية اخلاقية ودينية واجتماعية مش يصحى الشاب او البنت يلاقى والدتة فى الشغل وابيه كمان وهو متاح ليه كل شى بدون اى مراقبة زى التليفزيون والنت والاصحاب والتليفون والفلوس ووووووو
وكمان الام او الاب لما يشوف ابنه بيعمل حاجة غير اخلاقية او بيعاكس يبقى فرحان بابنة انه بقى راجل وروش وحبوب ولا الام تلاقى بنتها بتتعاكس تبقى فرحانة وتقول ان بنتها كبرت واحلوت والعرسان هيجولها طابور
؛ كل ده لو اتصلح مش هيكون فيه اى انحرافات اخلاقية

6- هل البنات كمان بتعاكس الصبيان؟؟؟
اه فيه ومنتشرين جدا فى الجامعة او الكافيهات القريبة منها وطبعا اماكن كتيرة تانية
وده كلة بيرجع لانعدام الاخلاق والتربية الصح للبنت وان ده نوع جديد من الروشنة بتتعلمة البنت للاسف سواء من الاصدقاء او من اى مجال تانى

7 -ايه الالفاظ اللى بتسمعيها فى المعاكسات؟؟؟؟؟؟؟؟؟؟؟؟؟؟؟
الالفاظ ما اكثرها لدرجة تصل للتجريح والاهانة والالفاظ الخارجة
بس مش هقدر اقولها!!!

8-لو حصل واتعاكستى فى الشارع فى الجامعه بتعملى ايه؟
لو فى الشارع طبعا مش برد لانى لو رديت حتى لو بالاهانة لان الشباب بيتطاول برضة بس ممكن امشى بسرعة علشان انهى المهزلة دى
؛ ولو فى الجامعة مش برد لو لوحدى او بستعين بزميل ليا مقرب ولو كنت قريبة من الامن بنادى عليه

9- هل بتطور المعاكسات لتحرش جنسى زى التحرشات اللى حصلت فى وسط البلد
العيد اللى فات ولا الاعلام والصحافه كبر الموضوع ودى حاله فرديه مش بتحصل؟
اه بتطورلكدة فى احيان كتير جدا
والاعلام قد يكون بيكبر المواضيع احيانا ولكن اللى بشوفه كبنت من بنات حواليا او انا شخصيا ده بيحصل كتير بدون اى رادع او حتى خوف وبيكون الوضع عينى عينك
لان حتى الكبار بيعملوا كدة او لاحسن تقدير معندهمش استعداد يدخلوا فى مهاترات مع الشباب وكل واحد بيقول وانا مالى


بعيد عن الاسئلة
للحق نسبة كبيرة جدا من الشباب بتعاكس البنات والنسبة المحترمة والمتدينة من الشباب معظمهم مش بيدافع عن البنات والكل بيقول وانا مالى
؛ اما البنات فنسبة كبيرة ايضا غير محتشمة ومحترمة اخلاقيا لدرجة إلفات نظر الشباب بطريقة مستفزة والنسبة المحترمة غير سالمة ايضا من المعاكسات

مرسي جدا سنسونه بس فين بقيت الناس

كلة بيتعاكس بس البنت اللي مش محترمة اكتر
وانا عن نفسي محجبة ولما ولد بيعاكسني باسيبة وامشي او اغير الطريق المهم ابعد عنه ومن رايى ان الغلطان هو الاتنين الولد والبنت لان الولد المفروض ما يعاكس لان ممكن اختة تكون مكانها والبنت بردة ما تديش الولد فرصة لولد انة يعمل دة يعني تلبس محترم وتمشي باحترام ومرسي عاموضوع الجميل دة وياريت الشباب كلهم يفكرو كويس قبل ما حد يعمل كدة ارجوكم بتجرحونا بالمعكاسات
من ميروووووووووووووو

هى المعاكسات شى مستفز ومش عارف بيعاكسو ازاى عن نفسى عمرى ما عاكست ومعرفش واصتصغر نفسى