يحبها في خطيبته ويكرهها في زوجته

غريب أمر الرجل مع المرأة، فعادة ما تشكو المرأة من أن زوجها قد تغير بعد الزواج، ولكنها لا تدرك أن حياته هي التي تغيرت، وأن المرحلة السابقة منها تختلف جذريا مع المرحلة اللاحقة، ولذلك فما كان يعجبه بالأمس قد يكرهه غدا، والعكس صحيح، وهناك 4 صفات يحب الرجل جدا أن توجد في خطيبته ولكنه يكرههم في زوجته بعد ذلك مما يصيبها بالاضطراب نتيجة معاملته السيئة لها بسبب عدم توافر هذه الصفات في الزواج:

لا تتكلم مع غيره

ربما يحب الرجل في خطيبته ألا تتكلم مع أحد غيره كي لا يقول الآخرين عنه بعض الكلمات السلية مثل "مش مالي عنيها" "هفأ" "مش بتحبه"، فهو يريدها صامتة في كل جلسة معه وسط المقربين، ولا يريدها أن تضحك وتتكلم مع الأصدقاء والأهل وقت وجوده.

أما بعد الزواج فهو يكره هذه العادة جدا فيها، لأنه يريدها اجتماعية وودودة كي تشرفه أمام أصحابه وأهله، فلا يريدها صامتة مكشرة مبتفتحش بقها في القعدة، لأنها لو ظلت صامتة سوف يقول المقربين عنها إنها ليست عشرية، ولا تحبه، وقرفانة منهم، ومش بتعرف تضايف الناس، وبذلك لا تشرف زوجها أمام أصحابه وزوجاتهم، وهنا الرجل ينتقد فيها صمتها بعد الزواج، على الرغم من أنه كان يفضلها صامتة في الخطوبة.

تغير عليه بشدة

مفيش واحد خاطب لا يحب أن تقوم خطيبته بتوليع الحياة بين الحبن والآخر بسبب غيرتها الشديدة عليه، فهو يشعر حينها برجولته، وبحبها له، أما بعد الزواج فهو يكره هذا الأسلوب وربما يترك لها المنزل لو زوجته تمادت فيه وفعلت مثلما كانت تفعل في الخطوبة.

ففي الزواج هو يجلس معها 24 ساعة في اليوم، وليس مثل فترة الخطوبة حين كان النكد عبارة عن خناقة كل 3 أيام مثلا، كما أن غيرة زوجته ربما تجعل المقربين يبتعدوا عنه، بالإضافة إلى الأهل وأصدقاء العمل وتحول حياته إلى جحيم.

تهتم بنفسها جدا

صحيح الرجل يحب أن تهتم شريكته بنفسها، لأن هذا يدل على اهتمامها به أيضا، ولكن الرجل يظل يمتدح في خطيبته شياكتها وبرفانها وتسريحة شعرها في الخطوبة، عملا بالمثل الذي يقول "زغردي ياللي مانتش غرمانة" لأن والدها هو الذي دفع كل هذه المصاريف.

أما في الزواج فهو ينتقد ملابسها وتسريحتها وبرفانها، والزوجة تقول إنه أصبح لا يحبها مثل أيام زمان، ولكن في الحقيقة هو أصبح يكره أن يدفع هو ثمن الملابس والكوافير والبرفان.

لديها صديقات

في الخطوبة تكون البنت لاجئة لخطيبها موراهاش غيره، وطبعا بتكون فرحانة بالتجربة دي في بدايتها، هتلاقيها مقضياها اتصالات ورنات ولوجوهات وطلب خروجات وفسح، وبالطبع خطيبها مش فاضيلها تماما عشان يستحمل الصداع ده، وهنا نجده يحب في خطيبته أن تكون لها صديقات ينزلوا معاها يشتروا لبس وكل المشتريات عشان تحل عن دماغه شوية.

كما أن هناك سبب آخر يجعل الرجل يتمنى أن تكون خطيبته لديها عدة صديقات، فهو يريد أن يخرج معهن، فربما يعيش الولد حياته كلها لا يخرج مع جروبات البنات ولا تتوافر له هذه الميزة إلا حين أن يملك لقب "خاطب".

أما بعد الزواج فستجد المرأة أن زوجها يدفعها إلى الابتعاد عن صديقاتها، لأنه لا يحب أن تخرج أسراره وفضائحه يوم الخميس لهن، وقد تتعجب المرأة من انقلاب حاله عليهن بعد الزواج، ولكن هذه هي الحقيقة لأن الرجل يعتبر صديقاتها خرابين بيوت
تقبلوا تحياتي
العاشق الحزين

عندك حق فى كل كلمة يا كارم بجد والله توبيك جميل جدا

_________________
l يحبها في خطيبته ويكرهها في زوجته 498538720

حلمت ان اكون سندريلا فى زمن تشابهت فية مقاسات الاحذاية

لو خانك حبيبك لاتغضب ولكن ابتسم وقل له انت مؤلم انت قاسي... انت جزمة مش مقاسي

تسلمي ياايه علي ردك
تقبلي خالص تحياتي
امير الليل الحزين

لا تتكلم مع غيره

اولا احنا سبق واتكلمنا فى الموضوع ده
ازاى بقى الراجل يغير عليها قبل الجواز وبعد الجواز لا
الى بيحب حد بيغير عليه دايما قبل وبعد الجواز
انا معاك انها لازم تكون عشريه بعد الجواز لكن مش قوى يعنى
بمعنى انها اصلا المفروض تكون عشريه سواء قبل الجواز او بعد الجواز طبعا فى حدود الاحترام
يعنى مش عشان تكون عشريه بعد الجواز تهزر مع ده وتضحك مع التانى

تغير عليه بشدة

دى بقى طبيعه فى كل ولد وبنت بيحب
اى ولد واى بنت يحبو ان الطرف الاخر يغير عليه سواء قبل الجواز او بعد الجواز
بس غيره بعد الجواز اصلا مش بتبقى قوى زى قبل الجواز يعنى مش بتبقى الغيره فى كل حاجه
لان الشخص بيبقى خلاص اطمن ان الانسان ده ملكه

تهتم بنفسها جدا

هنا بقى الاهتمام مش شرط يكون بمكياج او مصاريف عليا
الاهتمام بالنفس بيكون فى النظافه والاهتمام انها تلبس نظيف وتسرح شعرها ميبقاش منعكش
وطول مابتكون نظيفه ومهتمه بنفسها كدها مش هيكون فى اى لازمه للمصاريف العليا دى

لديها صديقات

هنا بقى مش صح خالص لان الولد فى الخطوبه بيبقى عايز اللبنت دايما فضياله هو
لانه بالطبيعى مش بيشوفها كتير وبيتمنى اى لحظه يشوفها فيها
لكن ممكن يكون عايز يكون ليها اصدقاء بعد الجواز لانه بيشوف وشها كل يوم لحد ما يزهق يا عينى
وده طبعا تمرد الرجاله الى وخدين عليه دايما
هههههههههه

تسلم يا كارم
تقبل مرورى
اسفه على الاطاله

_________________
يحبها في خطيبته ويكرهها في زوجته 351467137

والله انا شايف ان الحب حب في اول وفي الاخر بس لازم لازم الاتنين يبدلوا بعض نفس الحب مش الراجل يحب والست حتي متهتمش بيه يبقي اذاي هيفضل يحبها ذي والعكس بردوا

تسلمي ياندا علي ردك انتي وبيدو
تقبلوا تحياتي
العاشق الحزين

يحبها في خطيبته ويكرهها في زوجته Entertainment-02

_________________

يحبها في خطيبته ويكرهها في زوجته Img_1341148564_957

يحبها في خطيبته ويكرهها في زوجته 59aa9f03b6

تسلمي يادكتوره علي ردك
وحشتنا ردودك الامتحانات كانت وخدنا منك
تقبلي تحياتي
العاشق الحزين

بس انا مش معاك يابيدو الحب مش كل حاجة هو صحيح لازم يبقي موجود بس مش ليه الاولوية في الزواج
والله فعلا عندك حق ياكارم انتوا كدة متناقضين ومش بيعجبكم حاجة

_________________
يحبها في خطيبته ويكرهها في زوجته 370440190

لست مغرمة بأن أصبح فتاة تركع عند قدميها قلوب الرجال ...!!
بل أكتفي ان يشعرني رجل واحد اني اعظم فتاة في نظره وسأجعله رجل فوق كل الرجال ...

تسلمي ياميرو علي ردك
تقبلي تحياتي العاشق الحزين