الغاء منتدى الحب ومشاكله

انا النهاردة كنت قاعد بفكر ان الواحد ممكن يكون مفيهوش حاجة ويموت لانه بامر الله وحده فحنا كان عندنا منتدى الحب ومشاكله وكان قبل كده سبب مشاكل وكانا بنحلها طب انا اللى عامله ولو مت وتم استخدامه بشكل خاطى يبقى انا كده السبب وانا مش هابقى ناقص كفاية البلاوى بتاعتى فانا شلت المنتدى وانا بعلن فى الموضوع اهه ان انا ممكن اعمل زى ناس تترشح انها تمسك المنتدى وتكون المدير للموقع وطبعا اتمنى ان الدكتور خطاب ياخد الموضوع ده لانه عمل كتير فى المنتدى بحيث ان اللى يمسك المنتدى يكون عنده صلاحيات يرجع المنتدى تانى يحط اللى يحطه بقى بتاعه انا مليش دعوة لو حط حاجة مش مش هاترضى ربنا انا ببعد بنفسى خلاص هاشوف ردكم وبناءا عليه هانحدد ان ابقى انا زى منا او واحد يمسك ويعمل اللى هو عاوزه

وانا معاك هاسمع وزى ماقلت ان المنتدى انا مستعد حد غيرى يمسكه تمام عشان انا لازم يكون ضميرى مستريح

وانت ليه مش تكون ماسكه وضميرك برده هيكون مستريح انت شايف فى غلط حصل فى المنتدى

بعد الشر عليك يا تيتو
وبعدين متقلقش خلى ضميرك مستريح ومش هتفرق لو شلت منتدى الحب
فى حاجات تانيه كتير حلوه والكل بيشارك فيها
بس انت ودكتور خطاب الى شايلين المنتدى من الاول
مينفعش تيجو دلوقتى وتسبوه
احنا مش هنزعل على منتدى الحب انما نزعل انك تسيب اداره المنتدى

الله يخليكى ياندا انا بتكلم بامانة حصل مشاكل فى المنتدى قبل كده وحلناها مضمنش يحصل حاجة مثلا تانى وانا مش موجود اظن ان الذنب هايبقى عليا صح ولا

اولا بعد الشر عليك وانا شايفة ان المنتدي ده مش فيه اي حاجة غلط او كلام غير لائق وزي ماقالو ان المشرفين كويسين جدا ومش بيسيبوا اي حاجة تسئ لينا او تغضب ربنا وبعدين احنا اتعودنا عالمنتدي انك ماسك الادارة انت ودكتور خطاب وماينفعش يمسكه واحد بس ولو ريحك انك تشيل المنتدي وهتحس انك مرتاح وهو مش موجود يبقي شيله ومفيش اي مشاكل
بس المهم انك مش تسيبنا
 

اولا انا مبسوط ان الناس كلها مش زعلانة انه اتشال وانا فعلا كده مرتاح اكتر عارفين اول ما المنتدى اتعمل كنت شايف ان عدد طلبة الكلية بالاف لو كل واجحد قال معلومة مفيده شوفو الناس هاتستفيد قد ايه بس لقيت فى مواضيع مش هادفة وكمان نفسى ان المنتدى يكون وسيلة نتقرب بيها لربنا مش نغضبه مش كده ولا ايه

بعد الشر عليك ياتيتو
بس بجد والله احنا في المنتدي اصحاب واخوات مش اي قسم معين في المنتدي هو اللي هايفرقنا
وزي ماكتير قبلي قالوا المنتدي فيه كتير قوي حلو
مش هايفرق منتدي الحب
تقبل تحياتي
امير العذاب

كلامك صح يا تيتو وربنا يحسن خاتمة كل واحد فينا
وانا شايفة ان المنتدى فى اقسام كتير تعوض القسم اللى اتحذف يعنى مش مشكلة وبردو نقدر ننزل مواضيع تكون هادفة والكل باذن الله يستفاد منها ويكون احسن منتدى ان شاء الله
وربنا يهدينا جميععا يارب

وعلى فكرة يا تيتو لو انت كنت لاغيت منتدى الحب ومشاكله علشان حرام فى بردو منتديات تانية حرام زى الافلام والاغانى ودى طبعا معروفة انها حرام وكانت اولى و دى وجهة نظرى وانت حر
ودى مجرد نصيحة مش اكتر

ليـــــــــــــه يا تيتو ليــــــــــه
انا عايزة اعرف منك ليه لغيت المنتدى ده
ده لا فيه كلام عيب ولا بيسيء لحد
ومدام بتقول انك خايف ليكون القسم ده هيسببلك سيئات
معملتش كده ليه فى قسم الاغانى والافلام مش ده برضه اولى بالحذف
لكن القسم ده حد عندة مشكله يعرضها
يلاقى ناس تقوله ع الحل
واحد يكتب نصيحه يستفيد منها الكل
وبعدين الحب لا هو حرام ولا عيب علشان نعمله قسم خاص بيه وبعد كده نرجع نحذفه

بصراحه يا تيتو انا مش معاك خاالص ف التصرف اللى انت عملته ده

بس من حكم فى منتدياته واقسامه فما ظلم ده حقك برضه

متزعلش منى يا تيتو ع رأى انا بس قلت كده من زعلى
ولك حق التصرف الرد اذا شئت

بص يا تيتو انا مقدرش ارجعك في تصرفك
طالما انتا هتكون مستريح
وبعدين انتا مش هتسيب المنتدي
ده امر
هههههههههههههه
مش انا مدير ولا اي
بص يا تيتو الناس مكملة عادي في المنتدي
انما انتا لازم تكون موجود وبعدين انا وانتا المفروض بنكمل بعض انا لو غبت انتا تدخل تشوف الدنيا وانتا نفس الكلام
سوري ع الاطالة
بس زي ما قولتلك مش هينفع تسيب المنتدي

ومع السلاموااااا عليكواااااا