لكل شخص حزين

إذا كان الأمس ضاع .. فبين يديك اليوم !
وإذا كان اليوم سوف يجمع أوراقه ويرحل .. فلديك الغد..
لا تحزن على الأمس فهو لن يعود !
ولا تأسف على اليوم .. فهو راحل !!
واحلم بشمس مضيئه في غد جميل

فعلا ده حقيقي لازم يبقي في امل
موضوع جميل

فعلا ياميرو لازم كلنا نعمل ده علشان نقدر نبعد عن الحزن
لازم نتغير ومايكونش فيها حزن
تحياتي
ليكي امير العذاب

هو كلام جميل وفعلا لازم نعمل بيه
لان الحزن ملهوش اى لزمه فى الدنيا غير انو بيشيلنا الهم وخلاص ولا بنعرف نفكر فى المستقبل ولا حتى الحاضر
وبجد بجد بجد بقى اكتر حاجه بكرها جدا جدا جدا جدا

تقبل مرورى يا كيمو

بس تقول لمين بقى يا كيمو فى ناس ضعيفه وبتستسلم
وانا اعرف شخصيات كده
بس يارب يعقلوا بقى ويسبوهم من اللى فات

ومبروووووووووووووووووك ع النيك نيم بتاعك الجديد

تقبل مرورى يا برنس

تسلم يابوي علي ردك
وتسلمي ياسوم علي مرورك
والناس دي ممكن تكون مضطره لكده

لا تنظر إلى الأوراق التي تغير لونها ..
وبهتت حروفها ..
وتاهت سطورها بين الألم و الوحشه ..
سوف تكتشف أن هذه السطور ليست أجمل ما كتبت ..
وأن هذه الأوراق ليست آخر ما سطرت ..
ويجب أن تفرق بين من وضع سطورك في عينه ..
ومن القى بها للرياح ..
لم تكن هذه السطور مجرد كلام جميل عابر ..
ولكنها مشاعر قلب عاشها حرفاً حرفاً ..
ونبض إنسان حملها حلماً !
واكتوى بنارها ألماً !!

فعلا عندك حق اهم حاجه ان الواحد يبص قدامه ميفكرش ان حزنه هو ده اخر الدنيا
: ميرسى على التوبيك يا كارم

لا طبعا ياكارم انت اللي بتتحكم في نفسك ومفيش حاجة بتضطرك انت اللي بتضطر نفسك لكدة

اولا تسلموا جميعا علي ردودكم
ثانيا ياميرو الواحد ممكن يتحكم في حجات كتيره بس مش كل حاجه
في حجات وظروف بتحكم الواحد في خجات كتيره ممكن مانقدرش نغيرها
تحياتي للجميع

كلامك صح جدا بس برضو الانسان يقدر يتحكم في نفسه تجاه ده انه يعديه ويحاول يغيره ومش يفضل حزين طول عمره علي حاجة فاتته او فشل فيها لان الحزن ملهوش اي لزمة بالعكس ده بيرجع لورا

كلام جميل يا كارم
بس فعلا محدش يقدر يتحكم فى الحزن بس ممكن يحاول ينساه بس ميمحهوش
تقبل مرورى

موضوع حلو اوى ياكارم بس كله مواعظ ياريت كلنا نعمل بيها مش نقراها ونقول اه ده حلو اوى ومانعملش بيه الحزن موجود لانه مرتبط بطبيعه الحياه لكن زى ما الحزن موجود فى حاجات تانيه فى حياتنا كفيله انها تخرجنا من حزننا

موضوع جميل جدا

تسلموا جميعا غلي ردودكم
ويارب فعلا يكون اموضوع استفدنا منه كلنا
تحياتي