رز باللبن ولا الحلوانى

رز باللبن ولا الحلوانى

المقادير
-----
1كوب ارز
1كيلو لبن
باكو فانيليا
1/2باكو نشا لو العلبة كبيرة
2ملعقة كريم شانتيه بودر
1/2 كيلو سكر
قرفة ومكسرات وجوز هند مطحونين مع بعض

الطريقة
----
ننقى الرز كويس ونغسله وننقعه فى المية 1/2 ساعة
ونحط حلة على النار وفيها 2 كوب مية ونسيبها تسخن
وبعدين نسقط الرز ونسيبه يستوى على نار متوسطة لحد ما يستوى شوية
وقبل المية ما تتشرب على الاخر من الرز نحط اللبن وعليه الفانيليا ونقلب كويس
ومش مهم اللبن يكون مغلى لأنه كدة كدة هيغلى على النار
نسيب الرز يستوى فى اللبن لحد ما يطرى خالص وبعدين نحط السكر ونقلبه كويس
ونجيب 1/2 كوب مية وندوب فيه النشا والكريم شانتيه البودر على البارد
وبعد كدة نحطهم فى الحلة مع الرز بلبن ونقلب بسرعة
نفضل نقلب لحد ما نحس ان اللبن تقل ونطفى النار
على فكرة اللبن موش هيبقى جامد اوى لا دا هيبقى سايل شوية ودا احسن
وحتحسوا ان النشا لما يقل يكون احسن عشان الرز اصلا هينزل النشا بتاعه
وكمان الكريم شانتيه هيديلوا تقل شوية وهيخلى طعمه روعة
ونغرف علطول فى اطباق صغيرة ونرش على الوجه الخليط اللى طحناه
القرفة والمكسرات وجوز الهند وبعدين لما يبرد نحطه فى الثلاجة
ولما نييجى نقدمه نحط عليه معلقة قشطة من اللى بنطلعها من اللبن
او ممكن نحط عليه ايس كريم فانيليا بس

بالهنا والشفا

جاااااااااامد جداااااااا

انا عاااااااايز منة انا بحب الرز ابو لبن جداااااااا

_________________

نقرتين لعرض الصورة في صفحة مستقلة

اهم حاجة الجوووووووووووووووز الهند

تسلم ايدك

_________________

رز باللبن ولا الحلوانى Img_1341148564_957

مشرف عدد الرسائل : 344 تاريخ التسجيل : 31/12/2009

الله تحفة يا تغريد بجد تسلم ايدك يا قمر
وبصراحة انا مش كنت بعرف اعمله لكن خلاص اتعلمت اهو
مرسى ليكى تغريد