خلع الزوجة حذاء زوجها.. مذلة أم تدليل ؟

دى محبه وعمرها ما كانت ذل ولا حاجه
بالعكس ده احترام وتقديس للزوج .....رغم انى ما جربتش
بس بصراحه هتبقى الحكايه دى ذى العسل على قلبى

هو ممكن ميكونش نوع من الذل وكان مستحب زمـــــــــــــــان لكن دلوقتى
معتقدش.........

لكن عن نفسى انا مش هقبل بكــــــــــــــــــده

يقول صلى الله عليه واله وسلم:.
..((لو أمرت أحداً أن يسجد لأحد لأمرت المرأة أن تسجد لزوجها))..


يعنى الرسول صلى الله عليه واله وسلم بيقول سجود يعنى باين من الحديث انى لازم اطيعه فى كل حاجة ماعدا

انى اعصى ربنا طبعا لانه لاطاعة لمخلوق فى معصية الخالق

ولو دى حاجة بتسعده اوك هعملها وانا سعيدة كمان



و انتى يا اية رائيك اي؟؟؟؟

نا رآيى فى الامر دا إنه عادى جدا وإن ممكن أعمله برضى نفس بس يكون بحب واحترام للطرف الاخر مش يكون أبدا نوع من الذل او غيره لان اللى اعتقده إن مش فى حد عاد بيفكر بالطريقه دى حاليا
كمان على الرغم من وجود فى وجهه نظر البعض تنازلات قديمه من جانب المرآه من اجل الرجل بس لاشك إنها كانت سبب كبير فى استقرار بيوت وإنتشار الحب فيها والود وبالتالى لازم نغير الفكره دى ونقول إنه كان حب وإحترام وإخلاص وخصوصا زوجها دا منها كما قال الله تعالى (ومن آياته أن خلق لكم من أنفسكم أزواجا لتسكونوا إليها ) وبالتالى مش هيبقى فى فرق أبدا فى المعاملات

انا عن نفسي ايوة هوافق وايه المشكلة ده زوجي وشريك حياتي ومفيش فرق مابينا

وانا معاكي ياايوشة

توبيك جميل

والله يا بنات مكونتش متوقعة الردود دى لما قرءت الموضوع فعلا ونعم بنات المسلمين ربنا يجازيكم كل خير على النية الكويسة دى و يرزقكم ازواج صالحين و يرزق بنات امة المسلمين جميعا ازواجا صالحين .و انا رايى من رايكم بردو مافيش ذل ولا حاجة بالعكس ده زيادة احترام للزوج و زيادة محبة كمان ياريت كل البنات كدة

انا شايفاها محبه اذا كانت عن تراضى وحب ومذله اذا كانت بالاكراه
ولكننى سوف افعلها لزوجى الذى ساحبه واطيعه باذن الله

انا فعلا مكنتش متوقع الردود بتاعتكم دى خالص ومشيت مع كل رد وكل كلمه عشان اقدر اقتنع بالكلام ده من القلب ولا مجرد كلام بيتقال وخلاص
ولا عشان اتنين تلاته وفقوا على الكلام ده الكل دخل وافق مجامله
وبما ان تفكير البنات اليومين دول بقى تفكير زى ما بتقولو ( بقى اخر حاجه )
عشان كده انا مصدقتش

انا عن نفسى يا جماعه مقدرش أأمرها بحاجه زى كده ان مكنتش هى تيجى وتعملها من نفسها مقدرش اطلبها منها عشان متحسش انها مذله او اجبار

لا في فرق يابودي بين طلب وامر يعني لما تحس انك بتتطلبها منها علي اساس انك حابب كدة هتعمل ده وهي بنفس طيبة ومبسوطة كمان
لكن لو امرتها هتحس انه زل وده رايي

عندك حق يا بودى بس لما تحب بجد هتعمل اى حاجه وكل حاجه للى بتحبه
فى حاجات الانسان مبيعرفش يطلبها ازاى بس بيستناها من اللى بيحبه
زى مثلا ما تنتظر من اللى بتحبه كلمه حب او اعجاب ومبتجيش