البودره المائيه

انا عارفه انها بتعمل كوفر عالى جدا و بتخلى شكل بعض البنات تحفه لانها بتخفى العيوب كلها تقريبا و بعدين الموضوع فى منتهى البساطه
ابل السفنجه و ضربه يمين و ضربه شمال بقيت جاهزه للخروج فى اقل من عشر دقايق
صح؟

طيب اقولك بقى انتى بتعملى ايه فى وشك و انتى بتستعمليها؟
اولا هى عباره عن مواد متاكسده معاها بودره تلك عشان تمسك كويس يعنى باختصار زى العجينه
و طبعا العجينه دى بتسد المسام و مش بتخلى البشره تتنفس
فى الصيف بتخرجى ماليه مسام وشك من السم ده و بيجى عليها تراب و قرف
ايه الى هيحصل؟
بقع و حبوب

فى الشتاء بتشد بشره الوش زى القشف و بتسيبيها على وشك طول الوقت و لما بتيجى تغسليها وشك بيرجع يرتخى تانى
طب ده هيعمل ايه؟
هاتى استك كده و افضلى شدى فيه و شوفى مع الوقت هيبقى عامل ازاى
ده فى وشك هيبقى اسمه ترهل و ترهل ده يعنى تجاعيد عارفه يعنى ايه تجاعيد؟

و ياسلام بقى على التجاعيد لما تيجى تحت العين
تبقى ماوصلتيش للاربعين و بتدورى على حل لتجاعيد العين

خساره بشرتك و نضارتها حتى لو كان فيها احنا لازم نداريها مش نزودها بحجات علاجها صعب

عندك حق والله يا بنتى بس البنات مبيسمعوش الكلام
باصين لليوم ومش عارفين بعد كده هيحصل ايه
والله مفيش اجمل من الجمال الطبيعى بس مين يقرا ومين يسمع
اللهم احفظنا
بس عجبتنى كلمه (ضربه يمين و ضربه شمال) ههههههههههه

هههههههههههه فعلا والله الحاجات ديه بيبقي تاثيرها وحش اوي بالرغم من كدة اغلب البنات بتستعملها عشان مش بتاخد وقت

نورتيني بمرورك

عندك حق بس كل البنات بتهتم بالشكل من غير ما تهتم باللى بعده
تسم ايدك