عند جراة او تقدر تجاوب ؟؟!!

فى حياتنا قوانين كتير بتحكمنا وطبعا اهمها احكام الدين بالاضافه لقوانين المجتمع العادات والتقاليد
ومن غير القوانين دي حياتنا هتكون غابه او حتى الغابة المفروض ان ليها قانونها

المهم من غير ما اطول عليكم

سؤال حبيت اطرحه عليكم واعذروني على خيالى الواسع بس كله جايز

لو اصبحنا فى زمن كل شئ مباح مافيش حرام وحلال واللى قادر على حاجة يعملها
مافيش قانون يحاسبك ولا ناس تنتقدك وانعدم الايمان من قلوبنا

طبعا هتقولو انى مزوداها شوية مع اننا بالفعل فى طريقنا لكدا

بس لو جه الزمن دا ايه اللى هتعمله ساعتها

او بمعنى اخر

ايه اللى نفسك تعمله بس مينفعش تعمله بسبب القوانين اللى فى حياتنا


فى انتظار اجابات صريحة

برأي لو حصل الكلام ده ووصلنا لكده مرحلة...من انعدام القوانين والاخلاق وكل مبااااااااح من غير اى رقابة ولا أدنى وزاع........ أكيد هتختلف رغبات الناس بحسب طبيعتهم وظروفهم... بس لا شك مدام هتكون حياتنا بالشكل ده هيسيطر الشر ع الخيييييييير في كل شىء لانه مش هيكون اصلا فيه خير ولو كان فيه خير هيكون ضعيف ومستعبد ..... يعنى اللى هيعيش فالزمن ده بس القوي مش هيكون مكان لاى انسان عادى تانى.. ولو كانت فيه حياااااااااااه هتكون عبارة عن حياة اسيااااااااد وعبيد والاسياد دول بعملو كل اللى يحللهم فالعبيد من دون ما العبيد يكون ليهم اى مقدرة على فعل شىء غير الاستسلام....


شكرا عالموضوع وبتمنى منعش فزمن زي كده.... بس الكلام ده ممكن يكون فيه منه .. لانه الرسول (صلى) قال... بما معنى الحديث .. أنه الساعه هتقوم على اشر الناس لدرجة انه الزنى هينتشر فالشوارع ...وافضل واحد فالزمان ده اللى لما يشوف واحد وواحدة فالشارع بيزنوا هيقولهم لو بس وراء جدار او مكان مختفي ..يعنى هو مش رافض الفكرة نفسها لا ده رافض عشان الشارع.. وده افضل واحد ما بالكم التانيين
ربنا يحفظنا جميعا........ ومعلش للأطالة

فى راى يا ميرو ان فعلا الزمن ده هيكون زمن الشر والظلم والفساد

وانا عن نفسى اتمنى انى مكنش عايشة فى الزمن ده لا نى انا بكره حاجة اسمها ظلم


ويارب فعلا مكنش عايشة فيه

تسلمى يا ميرو

جزاكى الله خيرا

لو انعدمت القوانين هتنعدم الاخلاق والعدل وكل حاجه سواء حلوه او وحشه
هيكون كل واحد حر فى نفسه
مش هيكون فى قوانين للتربيه ودى الحاجه الى تخلى الناس كلها فى الزمن ده
مش عندهم اى مبادئ ولا خير كله هيكون شر
ساعتها مش هيكون لها لازمه الحياه

بس لو ناخد من الموضوع ده اننا نعدل القوانين الى المفروض تتعدل فى الدوله
يعنى نتخلص من القوانين الخاطئه ونطور القوانين الصحيحه
ساعتها ان شاء الله حياتنا هتتعدل

فعلا موضوع يستحق المناقشه
تسلم ايدك يا قمر