للمجروحين فقط.....

هكذا هي الدنيا عندما تتزين للغرباء
وتتجمل للبؤساء
وتتعطر لمساكين الارض والسماء
وتجود عليهم بالغربه
وتمنحهم الدمعه
وتهديهم الوحده
وترميهم من خلف نافذة الحياه وكأنهم خلقوا للحزن فقط........

تسلملي علي ردك
بس معني كده اني هسيبني من الدنيا كلها

ايه الكلام الجامد ده مالك يا قمر
ايه اللى مزعلك من الدنيا كده
على فكره اى حاجه بتحصلنا مش سببها الدنيا
احنا بنبقى سبب فيها

اه لو حابه انك تتكلمى معانا فى حاجه او تحبى نساعدك فى حاجه احنا يكون لينا الشرف
لان شكلك فى حاجات قفلاكى اوى

بجد تسلملي علي كلامك
هي المشكله مش ان شاب مثلا جرحني لأ خالص عشان لو كان حصل كده مكنتش هزعل ولا ليوم واحد حتي بس ناس تانيه كتيير
عارف يعني ايه انك تفقد الثقه في كل الناس؟

صدقني يا ماندو انا مش آمنت لحد اصلا بس الظروف بتحطك في مواقف صعبه يعني انت بتكون عادي وبتمارس حياتك الطبيعيه بس بتلاقي ناس مش كويسين بيبوظوا حياتك وكل لما تعرف حد تلاقيه طمعان فيك وبيعرفك عشان عايز منك حاجه والانسان الوحيد اللي كان بيحميك ويحافظ عليك وتحس معاه ان ليك ظهر وسند بتلاقيه سابك ومات ومن بعدها تلاقي كل الكلاب بدأت تنهش فيك ولولا ان الانتحار حرام كنت عملتها من زمان

spicy girl كتب:

صدقني يا ماندو انا مش آمنت لحد اصلا بس الظروف بتحطك في مواقف صعبه يعني انت بتكون عادي وبتمارس حياتك الطبيعيه بس بتلاقي ناس مش كويسين بيبوظوا حياتك وكل لما تعرف حد تلاقيه طمعان فيك وبيعرفك عشان عايز منك حاجه والانسان الوحيد اللي كان بيحميك ويحافظ عليك وتحس معاه ان ليك ظهر وسند بتلاقيه سابك ومات ومن بعدها تلاقي كل الكلاب بدأت تنهش فيك ولولا ان الانتحار حرام كنت عملتها من زمان

ايه الضعف واليأس ده كلو

اولا احنا ربنا خلق لينا دماغ ومخ عشان نفكر بيها ونميز الصح من الغلط الظروف اللى انتى فيها دى اى انسان فى الدنيا معرض ان يتحط فيها
مش معنى كده بقى ان انا اتعقد وافقد الثقه ومش اتعامل مع حد ومعرفش اعيش دنيتى او حياتى
لا اتعلم من اللى جربته اشوف ايه الغلط اللى حصل ومش اكررو تانى ابعد عنو اتجنبو باى طريقه مش معنى كده ان كل الناس وحشين
صوبعك مش زى بعضها الدنيا كبيره اوى اوى فيها الحلو وفيها الوحش كل الناس مفكره ان الحلو قليل جدا لا بالعكس الوحش هو اللى قليل جدا
بس عشان ظاهر اوى تحسى انو هو اكتر من الحلو

اقعدى مع نفسك شوفى ايه اللى كان غلط بيحصل وبتقعى فيه ديما متديش كل الثقه لكل الناس
اه وعلى فكره تفكيرك فى نقطه الانتحار نفسها دى مش مستحبه
ده لليأسين فقط وانتى اكيد مش كده

اتمنالك حياه سعيده ان شاء الله

بجد مش عارفه اقولكم ايه علي ردكم شكرا كتييير
وهحاول ابتدي من الاول واعمل كأن مش في حاجه حصلت خالص بس يارب الناس تبعد عني ويسبوني في حالي بقي ادعولي بليييييز

بصى يا قمر انتى لسه صغيره واعتقد انك رقيقه وطيبه عشان كده مقدرتيش تتحملى بس اسمعى منى نصيحه الدنيا حلوه حتى لو فى الحقيقه وحشه ابنى لنفسك عالم عيشى فيه اسعدى بيه بس متنفصليش عن الواقع اتعبى واتجرحى لحد ماتتعلمى وتقوى . انا كنت زيك اقل مشكله تموتنى بجد والله بس الحمد لله خرجت من كل جروحى شخصيه قويه جدا فكاهيه تحب الضحك حتى وقت البكاء اتمنى ان تنظرى للغد بلا نظاره سوداء بلاش امالى السودا عشان خاطرى تقربى من الله لتجدى سندك وامانك فى الدنيا


بلاش فكرة الانتحار هتموتى كافره وبعدين تخسرى دنيا واخره محدش هيحس بيكى صلى وخلى ربنا ملجأك فى الدنيا لن تجدى وقتها هموم.بجد نفسى تنسى وتبتدى من الاول.اسفه على الاطاله بس اعتبريها نصيحه من اختك حبى الدنيا هتحبك

طبعا اختي وتسلميلي علي النصيحه وهحاول ابتدي من الاول

اولا ياقمر اهلا بيكي معانا ومعلش جات متاخرة عشان بقالي كتير مش بادخل المنتدي
بس بجد منورانا

وكل اللي بيجرالنا ده بيبقي غلط مننا لاننا بنسئ الاختيار وبنثق زيادة في الناس وده غلط المفروض بتثقي بس بحزر شوية يعني حرس ولا تخاون ويارب اكون افدتك
اسفة !! طولت عليكيم

اولا بحيكي علي كل الكلام الجامد ده
وانا عن نفسي معتبر الكلام ده صح 100 في 100
ننتظر منكي المزيد