وصفات طبيعيه يا بنات عشان جمال بشرتك وشعرك وجسمك

كل مره نتكلم عن حاجه جديده ووصفه جديده
واي بنت عندها وصفه جديده كويسه ياريت تفيدنا بيها بس تكون طبيعيه
وفي وصفات حلوه لمشاكل الشعر والبشره والجسم كمان
يلا شاركونا يا بنات عشان كلنا نفيد ونستفيد

اول مشكله يا بنات هي حب الشباب
عندي وصفات حلوه كتيييير
1- معلقه كبيره عسل ابيض+نصف معلقه عصير جزر
يوضع علي الوجه لمدة 10 دقائق ثم يزال بماء دافئ يوميا

2- معلقه صغيره حلبه مطحونه+معلقه كبيره عسل ابيض+معلقه كبيره لبن
يوضع الخليط علي الوجه لمدة ربع ساعه ثم يغسل بماء بارد
3 مرات في الاسبوع

3- معلقه خميره تذاب في ماء دافئ
توضع علي الوجه لمدة ربع ساعه ثم تزال بماء دافئ يوميا (علي فكره ديه انا بعملها علي طول)
كمان بتفتح لون البشره

يارب تفيدكوا واي بنت عندها وصفات حلوه ياريت تفيدنا بيها

كمان وصفه حلوه لفرد الشعر

علبة زبادي صغيره+معلقتين عسل ابيض+معلقتين زيت زيتون+بيضه+معلقتين مايونيز

اخلطيهم وحطيهم علي شعرك والبسي علي شعرك بونيه بلاستيك ويترك علي الشعر لمدة ساعه وبعدين اغسليه بماء فاتر وشامبو عشان رائحه المايونيز والبيض
اعمليها مرتين في الاسبوع وشوفي الفرق
الوصفات الجايه مفاجأه عشان كل البنات بتحتاجها موضوع كل البنات بتعاني منه بس انا جايبه وصفات حلوه اوووي

ملف كامل يا بنات عن ازاله الشعر الزائد وصفات لتخفيف الشعور بالألم وايضا لوقف نمو الشعر وايضا لتخفيف الاحمرار والالتهاب بعد الازاله

اولا لتخفيف الالم:-

1- معلقه خميره+معلقه عسل ابيض+قليل من ماء الورد والليمون
تخلط المكونات وتدهن علي البشره قبل البدء بالازاله حتي تجف المكونات علي بشرتك ثم امسحي المكونات بمناديل ورقيه وابدئي بعملية الازاله

2- 3ملاعق سكر تذاب في كوب ماء+معلقه خميره
اخلطي المكونات واهني بيها بشرتك واتركيها عليها حتي تمتصها بشرتك وتجف ثم ابدئي بعملية الازاله

3- معجون الاسنان
وديه مفاجأه معجون الاسنان بيعمل علي تخفيف الشعور بالألم
افردي كميه مناسبه من معجون الاسنان علي بشرتك قبل الازاله واتركيه لمده 5 دقائق علي بشرتك ثم ازيليه بمنديل ورقي وابدئي بعملية الازاله




ثانيا لوقف النمو:-

1- انقعي ترمس في الماء لمدة 6 ساعات ثم احتفظي بالماء في الثلاجه وادهني منها بشرتك يوميا ومع الاستمرار عليها ستلاحظين الفرق

2-زيت السعد (من عند العطار)
يوضع علي البشره بعد الازاله يوميا لمدة 6 ايام متواصله من كل شهر

3-زيت الزيتون
ادهنيه علي بشرتك يوميا ومع الاستعمال ستلاحظين الفرق





ثالثا لتخفيف الاحمرار والالتهاب بعد عملية الازاله:-

1-عصير الليمون
دلكي بيه بشرتك (بس بعد الازاله مباشرة وقبل غسل البشره بالماء) وعندما يتشربه البشره اغسليه بالماء البارد

2-نشا+ماء ورد+عصير ليمونه
اخلطيهم وضعيهم علي بشرتك مباشرة بعد الازاله وقبل استخدام الماء حتي يتشربه بشرتك ويجف ثم اغسليه بماء بارد




الوصفات الجايه هتكون عمل الوان كتيير زي اشقر واحمر وبني ولون الشيوكولاته وكستنائي بس بالحنه وبدون حدوث اي تلف لشعرك

Single For Ever كتب:

انا اعرف كمان يا شيمو

معلقه ترمس مطحون ندوبها فى ميه
ونفرد الخليط ع البشرة ماعدا العنين
ونخلى الخليط لمده ربع ساعه
وبعد كده نغسلها بماء دافىء

تسلم ايدك جميله انا هكتبها واعملها كمان
وبجد تسلميلي علي مشاركتك

Single For Ever كتب:

انا اعرف كمان يا شيمو

معلقه ترمس مطحون ندوبها فى ميه
ونفرد الخليط ع البشرة ماعدا العنين
ونخلى الخليط لمده ربع ساعه
وبعد كده نغسلها بماء دافىء

تسلمي يا قمر علي ردك
وتسلم ايدك جميله انا نقلتها وهجربها ان شاء الله

بجد معلومات هايلة يا شيمو تسلم ايديك

تسلمي يا يويو ويسلملي ذوقك يا قمر

بجد مواصفات جميلة تسلم ايدك ياقمر بس انا عندى سمار فوق عينى وكمان عندى حبوب بس صغيرة خالص وعملت كل حاجة ومش عاوزة تروح وكمان ف بثور سودااعمل اية؟ وياريت اى حاجة لتفتيح البشرة واى كريم واقى من الشمس معلش طولت عليكى

لا يا قمر ولا طولتي ولا حاجه انتي تؤمري
انا كتبت فوق وصفات للحبوب ماشي؟
والبثور السودا هاتي غسول ليها من clean and clear للبثور السودا واستمري عليه وهتروح ان شاء الله انا بستعمله علي طول ماشي؟
السمار اللي فوق عينك واللي تحتيها كمان هاتي شريحة بطاطس وحطيها علي عينك ربع ساعه وبعدين اغسليها بماء دافئ البطاطس فيها نشويات بتفتح منطقة العين وان شاء الله هتتفتح اعملي كده 3 مرات في الاسبوع
وواقي من الشمس هاتي من الصيدليه sun block وحطيه قبل ماتخرجي علي وشك وايدك واول لما تروحي اغسليه وحطي علي وشك زبادي بس مش الزبادي العلب من السوبر ماركت لا عشان ده فيه مواد حافظه هاتي زبادي بلدي من عند بتاع اللبن حطيه ربع ساعه وبعدين اغسليه ده مش هيخلي وشك يسمر من الشمس اللي اتعرضتلها طول اليوم

الامر للة وميرسى اوى لذوقك وميرسى اوى للمواصفات الجميلة دى بس كنت عاوزة اسالك ف وحدة صحبتى قالتلى حطى ع البثور معجون سنان وفعلا حطيت بس بعد يمين بالضبط المنطقة المصابة التهبت بس بعض البثور راحت بس انا بعد الالتهاب وقفت المعجون فا دة غلط ولا اكمل؟

لا مش تكملي معجون الاسنان هيزود التهاب بشرتك ومع الوقت هيعمل حفر في وشك لا قدر الله
في صابونه حلوه اووي اسمها smooth face هتلاقيها في الصيدليه ديه كويسه اوووي بتشيل حب الشباب واثاره كمان وبتفتح البشره وبتعمل صنفره طبيعيه للوش وبتنظف البشره ومش ليها اثار جانبيه خالص اغسلي بيها وشك 3 مرات في اليوم ورغوتها بتتعمل بيها ماسك للوش هتلاقي الطريقه في النشره الداخليه ليها بجد صابونه تحفه وهتشوفي النتيجه بتاعتها من اول مره تستعمليها هي مش غاليه هتلاقيها ب 8 ج وغلافها من بره لونه اسود

انا مش عارفة اشكرك ازاى معلش تعبتك معايا انا عرفت الماء بالملح حلو للبشرة الدهنية فعلا ولا دة غلط ع البشرة ؟واية رايك ف جلسة حمام البخار اللى بتتعمل ف البيت هل بتسمر البشرة ولا لا؟معلش هتعبك معايا

ف وصفة حلوة قبل وضع المكياج 2ملعقة زبادى+ملعقة عسل نحل+عصير ليمونة وحدة ويترك ع الوجة لمدة ربع ساعةوف ماسك حلو برضو للتجاعيد 2ملعقة شوفان(يوجد ف الصيدلية)+2ملعقة حليب+ملعقة ماء بارد ويترك ع البشرة لمدة عشرين دقيقة

الملح ليه فوائد كتييير للبشره بيزيل الخلايا الميته وبينظف البشره بصي ذوبي ملح في ماء وهاتي قطنه وامسحي بيها وشك بالملح والماء وبعدين اغسليه بس بعد لما تغسلي وشك حطي عليه كريم مرطب عشان مينشفش من الملح ، حمامات البخار مش بتسمر الجسم بالعكس دي بتعمل علي تفتيح المسام وازابة الدهون الزائده بالجسم
وبجد تسلم ايدك علي الوصفات الجميله ديه

تسلم ايدكى انتى ياقمر وميرسى ليكى ومش عارفة اقولك اية معلش تعبتك معايا

تسلمي ومش تقولي اي حاجه عشان انتي مش تعبتيني اصلا واي حاجه عايزه تعرفيها انا موجوده

وصفه جامده يا بنااااااااااااات




عايزه رجليكي تلمع زي الممثلات وكأنك لابسه كولون؟؟




حاجه سهله جداااا


بعد ما تخدي الشور بتاعك نشفي رجلك بس مش اوووي يعني خليها رطبه شويه وحطي عليها زيت جونسون للاطفال هتلاقيه في الصيدليه هاتيه بالصبار واول لما بشرتك تمتصه هتلاقي رجلك بتلمع زي الممثلات بالظبط وناعمه زي بشرة الاطفال

ميرسى ياقمر ع المعلومة الجميلة وف ماسك حلو وسهل اوى لتفتيح البشرة المقادير كوب ارز+بيضة انقعى الرز ف مايةحارة لمدة ست ساعات وبعديها صفى الرز واستنى لغاية ما الرز ما ينشف وبعد كدة اطحنيةوبعد كدة حطى البيضةوبعد كدة حطية ع وشك لمدة ساعة الماسك دة بيتعمل يوم اة ويوم لا واليوم اللى انتى مش هتعملى فية اعملى ماسك الزبادى+نص ليمونة+معلقة ماء ورد يارب اكون افدكم

ف ماسك عرفتة برضو للحبوب هاتى حبة سودا مطحونة مع عسل نحل واعمليهم عجينة وتتفرد ع الوجة لمدة عشر دقايق او ربع ساعة الماسك دة مرتين ف الاسبوع

تسلم ايدك يا قمر بجد وصفات جامده جدااا
cat علي فكره انا اسمي شيماء ،وانتي؟؟

عاشت الاسامى ياشيماء انا سعيدة بمعرفتك وانا اسمى بوسى وياريت نكون اصدقاء

بجد تسلم ايدك يا شيمو
وصفات رائعه جدا اكيد هجربها

تسلمي يا بوسي وانتي كمان عاشت الاسامي وان شاء الله طبعا نكون اصدقاء

فانتازيا تسلميلي بجد علي مرورك واهتمامك وعلي فكره انتي بجد طيبه اووووي