ميدان التحرير

موضوع: ميدان التحرير الثلاثاء مارس 08, 2011 1:17 pm

طبعا ميدان التحرير ده بقى تانى اشهر ميدان فى العالم

بصراحه بعد الشغل روحت بيتى زهقت من القعده قولت انزل وسط البلد اشوف الدنيا فيها ايه وخصوصا ميدان التحرير اخدتها من شارع القصر مشى قولت اتفرج بقى من بعد الثوره ايه اللى الشكل اللى موجود حاليا طبعا الشارع نظيف جدا جدا وكان شكلو حلو جدا يخلى الواحد يمشى من عند وزاره التضامن الاجتماعى شوفت اسوء منظر الرصيف مفهوش مكان تحط ريجلك فيه
كل واحد جايب اهلو وواخد فاصل خد ونايمين فيه والظريف بقى ان ما بين كل عائله وعائله حاجز خشب كده صغير عملينو يعنى دلوقتى يا جماعه اللى مش عندو شقه يروح ياخد مكان هناك ايجار قديم عشان يبقى طول العمر بقى بتاعك

الغريب بقى الناس دول يبقو مين اشكالهم ايه
عارفين المتسولين والناس بتاعت الشوار اللى بمعنى اصح بتسبتك فى الشارع والناس بتوع العشوائيات هى دى اشكال الناس اللى موجوده فى المكان ده

سبتهم ومشيت لحااااااااااد الجنينه المحتله بتاعت الثوار
جيت ادخل فى الجنينه دى لقيت حواجز عملينها بحبال عشان محدش يدخل وخلاص المهم انا عديت الحبل لان مكنتش اعرف لقيت واحد من بتوع اللجنه اللى عملينها هناك كلمنى بكل احترام
قالى ( انا مش هقولك افتشك مع ان احنا لازم نفتش اى حد يدخل هنا قالى وده بنائا على التعليمات اللى الاستاذ عاملهنا قلتلو مين اللى مديلك التعليمات المهم هو توه ومقلش قالى انا بس عايز اشوف البطاقه بتعتك قلتلو بس كده اهى اتفضل )
الراجل شفها وبعد كده دخلت تجولت فى المكان عايز اعرف الناس دى عايزه ايه تانى
اول حاجه شوفتها بيفكرنى بالسوق المكان ده فى اكل وشرب وشاى وقهوه وكل حاجه
تانى حاجه شوفتها المكان دى بيتقسم لمجموعات كل مجموعه مع بعضها قاعده بتتكلم مع الناس ويقولو عايزين ايه وايه اللى يتعمل فى اللى جاى
المهم قابلت اول مجموعه كان اللى بيتكلم راجل كبير شكلو نظيف ومحترم الراجل ده كلامو عجبنى لان لقيتو بيفهمهم معنى الحريه ايه والديمقراطيه وازاى نحافظ على البلد وازاى نطور فيها
سبتو ومشيت لقيت مجموعه تانيه شاب كده برده شكلو محترم هو فى بعض كلامو صح والبعض التانى متناقض ومش مفهوم رحت سبتو ومشيت
تالت مجموعه قابلتها برده شاب كده ومعاه راجل كبير شويه المهم بيتكلمو عايزين حكومه عادله اللى برده لحظتو فيهم ان فى ناس منهم مش موافقه على عصام شرف رئيس الوزاره الجديد
بقولو طب هو مش عاجبك اخترتوه ليه قالى انا مخترتوش قلتلو طيب خلاص انا كده فهمت لقيتو بعد كده بيقول انا ايه اللى يضمنلى انو كويس قلتلو مهو ده يا عم الحاج اترشح باصواتكم انتو وبعدين سيبو الراجل بقى يعمل حاجه يشوف شغلو راح قالى لا وانا استنى ليه ما ممكن يكون مش كويس قلتو يعنى هو ينفع كل شهر برئيس وزاره جديد قالى اه كل شويه نغير ويجى واحد تانى
بصراحه سبتو ومشيت لان كنت هضربو وهو ومجموعه كمان مأيداه فى الكلام
وشوفت مجموعه تانيه بقى ودى بقى مطلبهو فى الجول عايزين المشير طنطاوى يمشى هااااااا ايه بقى الرد عليهم بقى
العالم اللى بتحفظ بس دى
انا تعبت منهم وقرفت

_________________

تحياتى
بــــــــMuZiCـــــــودى

لست مجبر لأفهم آلآخرين من آكون ..!
ف من يمتلك مؤهلآت آلعقل وآلآإحسآس
س أكون آمآمه ك آلكتآب المفتووح ..
وعليه أن يحسن اللإستيعآب .. !

ـــــــــــــــــــــــــــ

ميدان التحرير Piano

ميدان التحرير Music_by_Hallucination_Walker

من الواضح انهم عجبهم المكان كل كام يوم حكومة جديدة ووزراء جداد ايه ده ايه اللي بقينا فيه ده
بيفكرني بالمثل كنا في جرة وطلعنا لبرا والله

_________________
ميدان التحرير 370440190

لست مغرمة بأن أصبح فتاة تركع عند قدميها قلوب الرجال ...!!
بل أكتفي ان يشعرني رجل واحد اني اعظم فتاة في نظره وسأجعله رجل فوق كل الرجال ...

يا جماعة فعلا زى مانت قولت متسولين انا كمان نزلت وشوفت نفس المنظر وبجد حاولت اتناقش معاهم بس لاقيتهم هم اصلا مش عارفين هم عاوزين ايه وتقريبا بقت الثورة مهنة عندهم بيسترزقوا منها

عمالين يقولوا ده يمشى وده يرحل ومبيقولوش هما عايزين مين

وفعلا ميدان التحرير بقى دوله جوا دوله فى اللى ساكن فيها وفى اللى بيشتغل فيها
واغلبيه الناس اخدوها تسليه اللى ماعندوش شغل يروح هناك
واللى مش لاقى سكن يسكن هناك

ال وبيقولوا عايزين حل واستقرار.............!!

_________________

فاكرين نفسهم الاغلبية تقريبا

_________________
ميدان التحرير 370440190

لست مغرمة بأن أصبح فتاة تركع عند قدميها قلوب الرجال ...!!
بل أكتفي ان يشعرني رجل واحد اني اعظم فتاة في نظره وسأجعله رجل فوق كل الرجال ...

» تابعوا أحداث المؤتمر الإعلامي العالمي الذي ينظمه حزب التحرير