اسكتش نشرة الاخبار رااااااااااااااائع

اسكتش : تداخل ثلاث إذاعات
ثلاث اذاعات متداخلة ، مذيع نشره أخبار ومذيع طباخ ومعلق كره قدم فيظهر الحوار كالتالى..

المذيع:سيداتى انساتى سادتىالسلام عليكم ورحمه الله وبركاته واهلآ بحضراتكم معنا فى نشره الاخبار الاولى لهذا اليوم وفى نشرتنا

الطباخ:3 اكلات جديده ونوعين من الحلويات بنقدمهم النهارده لست البيت وخصوصا السيدات العاملات اللى بيعتبروا.....

المعلق:خط هجوم للفريق القومى اللى على ايدك الشمال والفريق القومى النهارده بيتكون من خط هجوم....

المذيع:الساده الوزراء والمحافظين...

المعلق:وخط النص...

المذيع:كبار رجال الدوله.....

المعلق: واللعيبه النهارده.....

المذيع:أدوا اليمين الدستورى وعاهدوا القياده السياسيه على وضع الشعب فى...

الطباخ: حله كبيره قوى,وتقفليها خالص خالص واوعى حاجه تخرج منها,وبعد ما تتاكدى من قفل الحله تجيبى...

المعلق:3لعيبه من خط النص...

الطباخ:وتغسليهم وتنشفيهم وتقطعيهم كويس وعلى طول تروحى حطاهم....

المذيع: فى الوزاره القادمه التى تهدف اساسا الى اتباع سياسه...

الطباخ: سد الحنك...اعملى حسابك يا سيدتى ان سد الحنك من الاكلات المحبوبه خالص وخصوصا عند....

المعلق: الحكام الدولين.. الحكام الدوليين النهارده على اتم استعداد لأداره المباره اللى بتقام تحت رعايه وزاره الشباب....

المذيع:وقد صرح السيد الوزيران خطه الوزاره فى المرحله القادمه والتى تهدف الى استغلال طاقات الشباب وكيفيه تشغلهم فى المشروعات الصيفيه مثل مشروع....

المذيع: لم الكره من ورا الجوان وبيديها للجون لكن ياخساره بتقع فى ايد....

المذيع: وزاره الداخليه والتى صرحت باعتقال عدد من المتطرفين وقالت انها ....

الطباخ: هتدبحهم وتقطعهم وتفرمهم وبعد لما تسويهم علطول هتقدمهم لـ.....

المعلق: الحكم الدولى...الحكم الدولى مصمم على طرد اللعب رقم 8 لانه رفض....

المذيع:التصويت على استخدام القوات العسكريه ضد العراق وقال ان الامتناع عن استخدام هذه القوات يعد بمثابه.....

الطباخ: كوسه....الكوسه لازم تكون صغيره علشان تقدرى تحشيها وبعد ما تقوريها علطول تحشيها بـ......

المعلق: الجماهير العريضه اللى جايه النهارده تستمتع

اسكتش نشرة الاخبار رااااااااااااااائع Icon_razz