اميرالليل الحزين
مشرف
عدد الرسائل : 980
العمر : 35
تاريخ التسجيل : 30/04/2010
 | موضوع: حسام وشيرين 2  السبت مايو 15, 2010 11:02 pm | |
| الحلقة الثانية
عدل حسام من رباط عنقه و تاكد من وجود اوراقه فى مكانها بالحقيبه قبل ان يذهب
لتناول الافطار مع والدته
الام : صباح الفل يا حبيبى انت نازل بدرى النهارده
حسام : ايوه يا ماما ادعيلى احسن النهارده اول مره ادخل سكشن و اشرح
الام : داعيالك يا حبيبى و انت قدها و قدود و تاكد ان ربنا مش حايضيع تعبك
يعنى معقوله المذاكره و الاجتهاد ده كله و اول دفعتك خمس سنين و تقلق من شويه
عيال فى اعدادى صيدله لسه جايين من المدارس الثانوى امبارح
حسام : الطلبه بتبقى عندها ميزان حساس بصرف النظر عن سنها بتوزن بيه المدرس
الام : و انت ان شاء الله تكون من الناجحين الموزونين ان شاء الله و اشوفك عريس يا
بنى يا رب
حسام : ماشى يا ماما عايزه حاجه انا نازل
الام : خليك كده كل ما نجيب سيرة الجواز تتهرب
حسام : لسه يا ماما ما لقتش واحده تخطفنى و تخلينى احس انى لازم اقضى عمرى
معاها
الام : يا حبيبى انت حاتتقدم و يحصل تعارف و بعدين ان شاء الله يحصل القبول
حسام : نتفاهم بعد ما ارجع يا حبيبتى عشان انا لازم انزل سلام
و قبل حسام امه و نزل و هو يفكر فى كلامها , هل من الممكن ان يتزوج بهذه الطريقه
ان يختار شريكة عمر وحياه لمجرد ان اهلها ناس طيبين و انها حلوه و ست بيت
بشهاده الشهود
لا احد يعلم ماذا يخبئه النصيب لكنه دائما يستطيع ان يتمنى التوفيق من الله
دخلت شيرين الكليه ساهمه و سالتها منال صديقتها
منال : انتى مش طبيعيه النهارده يا شيرى
شيرين : ايوه انا قلقانه اوى امبارح جالى عريس
منال : مبروك و اللى يجيلها عريس تقلق دى تفرح
شيرين : ما هو انا ما حستش اى احساس بيه و خايفه اظلمه يعنى بس اعمل ايه
منال : يعنى هوه لازم يكون حب من اول نظره
شيرين : ما قصدش حب من اول نظره لكن ع الاقل ارتياح من اول نظره , وهو جاى
النهارده تانى
منال : طيب اديله فرصه يمكن من تانى نظره
شيرين : مش عارفه انا قلقانه و مش مبسوطه و صليت استخاره امبارح و يعنى
حاسه انى مش مرتاحه
دخل الطلاب الى السكشن و كان عددهم قليل بعكس المحاضرات فتوفرت لحسام
الفرصه ان يراقبهم عن قرب
السعاده الممزوجه بالترقب و الطموح فى اعينهم و معها الفخر بالانتساب لكلية
الصيدله
فى جامعة القاهره العريقه لقد كان حسام احدهم يوما .ووفقهالله الى كل ما حلم به
و بدا حسام الكلام مع الطلبه و تعريفهم بمادته و بعد دقائق سمع قرعا على الباب
و ظهرت فتاتان متاخرتان عن الميعاد
و احتار ماذا يفعل هل يؤنبهما ام يتركهما تدخلان ام ماذا يفعل
ياه احداهما فى غاية الرقه و تبدو مثل الاطفال فى وداعتها و الثانيه متنمره و تنظر له
بتحدى
ووجد نفسه يقول : ايه اللى اخركم عن السكشن
شيرين : متاسفين يا دكتور ما كناش لاقيين المكان
منال : معلش توهان اعدادى بقه
حسام : احنا حانهذر يا انسه اتفضلى بره انتى و هى
ايه يا حسام ليييه
لماذا طردتهما ده اول يوم , يعنى كل اللى كنت بتعترض عليه فى حياتك زمان فى
الدكاتره بتعمله انت دلوقت لا حول ولا قوة الا بالله
و زاد احساسه بالذنب احمرار عينى الفتاه الطفله و اوشكت على البكاء
كان يريد ان يتراجع لكن هيهات خلاص دبح القطه و عمل سبع رجاله فى بعض يرجع
ازاى ؟؟؟
خرجت البنتان فى هدوء و خلفتا له شعورا بالذنب لا يوصف
بعد انتهاء السكش بحث عنها بنظره فى كل مكان و لم يجد لها اثرا
كان يريد ان يصالحها لكن هيهات ............
شيرين : انا عمرى ما حد احرجنى كده ايه ده ليه كده هوه الناس دى ربنا لما بيديها
سلطه ليه بس بتتجبر
منال : انا مش عارفه و الله ايه الالاطه بتاعته دى هوه ما فيش حد غيره حلو و شيك
شيرين : حلو و شيك ايه انتى كمان انا مش طايقاه و لا طايقه نفسى
و عادت شيرين الى المنزل منهكه
ووجدت امها تذكرها بمقابلة المساء المرتقبه
يييه ماهى ناقصه اصلها
بصى يا مامى انا مش حاقابل حد اعتذرى له لو سمحت باى حاجه
الام : ازاى يا بنتى احنا حتى ما خدناش نمرته و بعدين الناس تقول علينا ايه
شيرين : انا مش مرتاحه للموضوع ده و لا للشخص نفسه و مش عايزه اعلقه بى
اكتر, يبقى من دلوقت احسن ارجوكى يا مامى ما تغصبيش على
و نتقاابل مع حلقه جديده
تقبلوا تحياتي | |
|
nada
مشرف
عدد الرسائل : 814
العمر : 31
Localisation : القاهره
تاريخ التسجيل : 29/10/2009
| | موضوع: رد: حسام وشيرين 2 الأحد مايو 16, 2010 2:27 pm | |
| iهو حسام وشيرين دول بتوع الجزء الاول
ولو كانوا بتوع الجزء الاول
ازاى معرفتوش لما شافته
بس هى شيقة تسلم ايديك كارم _________________  | |
|
la princess
مشرف
عدد الرسائل : 2742
العمر : 31
Localisation : في بيتنا
تاريخ التسجيل : 25/10/2009
| | موضوع: رد: حسام وشيرين 2 الأحد مايو 16, 2010 6:04 pm | |
| وانا برضو باسال نفس السؤال بس قصة جميله فعلا تسلم ايدك كارم _________________  لست مغرمة بأن أصبح فتاة تركع عند قدميها قلوب الرجال ...!! بل أكتفي ان يشعرني رجل واحد اني اعظم فتاة في نظره وسأجعله رجل فوق كل الرجال ... | |
|
اميرالليل الحزين
مشرف
عدد الرسائل : 980
العمر : 35
تاريخ التسجيل : 30/04/2010
| | موضوع: رد: حسام وشيرين 2 الأحد مايو 16, 2010 7:38 pm | |
| هاتعرفوا اكيد في الجزء التالت
تقبلوا تحياتي | |
|
Single For Ever
مساعد مدير
عدد الرسائل : 2629
العمر : 32
تاريخ التسجيل : 15/10/2009
| | موضوع: رد: حسام وشيرين 2 الأحد مايو 16, 2010 9:18 pm | |
| بسرعه يا كيمو
ان عايزة اعرف باقى القصه
| |
|
اميرالليل الحزين
مشرف
عدد الرسائل : 980
العمر : 35
تاريخ التسجيل : 30/04/2010
| | موضوع: رد: حسام وشيرين 2 الأحد مايو 16, 2010 11:02 pm | |
| | |
|
body_muzic
مساعد مدير
عدد الرسائل : 2206
العمر : 36
Localisation : الاسكندريه عروسه البحر الابيض المتوسط
تاريخ التسجيل : 22/03/2010
| | موضوع: رد: حسام وشيرين 2 الخميس مايو 20, 2010 2:20 pm | |
| بيفكرنى بقصه اللهو والخفى
تسلم يا كيمو على تعب سعدتك يا باشا | |
|
