قصيدة بحق أمير قبيلة خفاجة الحاج الشيخ عامر غني صكبان بعنوان ( عز العرب )
كتب هذه القصيدة الشاعر الشعبي علي حسين غاوي الخفاجي وهو من خفاجة محافظة ديالى |ناحية بني سعد.
ياعز العرب عامر غني الصكبان ...حجيك بالهدف ماتخطي النيشان
حجيك بالهدف ومعدل ومرتوب ...نوماس العشيرة وحيدها المهيوب
بالتاريخ الك صفحه واسم مكتوب ...ياعذب الفرات ويامزن موحان
ياعذب الفرات انهار جوده تفيض ..ياطيبه ومحنه وعانمات وغيض
يحب الصافنات ويتبسم للبيض ...ذياح الجبايش وجاسي العريان
يذباح الجبايش وكرم ماينقاس ...مايعرف لسانك غير حب الناس
يازايل ظلام الحقد يالنبراس ...خيال الاصيلة بحومة الميدان
يخيال الاصيلة ويالزلم حجاي ...ياضنوة افاعي الماتعرف الماي
جبير العقل بالملكة وسديد الراي ...خطارك مكرم ابد ماينهان
خطارك مكرم والهلا شانك ... ياريه وعلم بصفوف عربانك
بخيت الضاف عندك شرب فنجانك ...يستانس الضيف بديرة الفنجان
يستانس الضيف بيوم يمك ضاف ..ابو حجي المعدل ابد ماينعاف
ياشجرة السدره مو شجر صفصاف ...يافي العشيرة وصوتهه الرنان
يافي العشيرة وصوتهه المسموع ...منجازيك لو نشعل العشره شموع
ياحاضن هلك حضنة كلب بضلوع ...من خيرك يعامر مايضل جوعان
من خيرك ياعامر مايضل محتاج ...نورك في ظلام العوز ضل وهاج
انته السيف وانته الرمح وانته التاج ...ينكال الصياني وياجبير الشان
سنكال الصياني وذابح الحايل ... عن حجي المعدل ابد مامايل
همه وهم اخوته والعرب شايل ...مافد يوم جل وكال انه تعبان
مافد يوم كمت تعذرت ناسك ... وكبار الطلايب واكعه براسك
الكرم عندك طبع من اصلك وساسك ...محتل الصداره بكعدة الديوان
محتل الصداره وماتهاب حيود ....لو صار المكابل بالحجي والجود
بحجي مايهاب وحجيه كله بزود ...خفاجي وزوده رد السفن والسفان
خفاجي وزوده ماواحد وصل حده ...عامر وابن عامر زوده من جده
يطرب عالصعاب والهه يتحده ...منبع للشجاعه وللكرم عنوان
منبع للشجاعه وفوك حاتم زود ..وصبح عنوان ثابت لعد ابن شداد
صوره مكمله لاحفاد خوش اجداد ...ياعامر زمانه وجامع الخوان
أمانه مأمنه ورفضتهه حتى جبال ...حسيب اللي حمله شبل عبد العال
ابن عمنه واخونه وهل علينه هلال ....وحمل هاي الامانه لعامر العربان .
الناشر |الكاتب مجاهد منعثر منشد
http://www10.0zz0.com/2012/08/04/12/853429709.jpg
[b]
السبت أغسطس 04, 2012 8:41 pm